‘സി.പി.എമ്മിന്റെ മൗനത്തിന് പിന്നിൽ ഇസ്ലാം നാമധാരികളോടുള്ള ഭയം, 24 മണിക്കൂർ ആയിട്ടും പ്രതികരണവുമില്ല’: സന്ദീപ് വാചസ്പതി

ആലപ്പുഴ: വഖഫ് നിയമനങ്ങള്‍ പി എസ് സിക്ക് വിട്ടതില്‍ പ്രതിഷേധിച്ച് മുസ്ലിം ലീഗ് നടത്തിയ ജാഥയിൽ മുഖ്യമന്ത്രി പിണറായി വിജയൻറെ മകൾ വേണ വിജയനെയും മുഹമ്മദ് റിയാസിനെയും അധിക്ഷേപിച്ചും അപമാനിച്ചും ലീഗ് നേതാവ് നടത്തിയ പരാമർശത്തിൽ മണിക്കൂറുകൾ കഴിഞ്ഞിട്ടും പ്രതികരിക്കാത്ത സി.പി.എം നേതാക്കൾക്കും മന്ത്രിമാർക്കുമെതിരെ ബിജെപി നേതാവ് സന്ദീപ് വാചസ്പതി. സംഭവത്തിൽ മനുഷ്യാവകാശ, സ്ത്രീ സംരക്ഷക പോരാളികൾ ഒന്നും തന്നെ മിണ്ടിയില്ലെന്നും ഒരു സിപിഎം നേതാവ് പോലും പ്രതികരിച്ചില്ലെന്നും അദ്ദേഹം ഓർമിപ്പിക്കുന്നു.

ഇസ്ലാം നാമധാരികളെ ഭീതിയാണെന്നും ആ ഭീതി മൂലമാണ് സി പി എം നേതാക്കൾ വിഷയത്തിൽ പ്രതികരിക്കാത്തതെന്നും സന്ദീപ് വിമർശിച്ചു. ഇസ്‌ലാം നാമധാരികൾ ആയവർ എത്ര കൊടിയ പാപം ചെയ്തവരായാലും, എതിർക്കാൻ ശേഷിയില്ലാത്ത സി.പി.എം നേതാക്കളുടെ ദയനീയ ചിത്രം ഇതിനു മുൻപും കേരളം കണ്ടിട്ടുണ്ടെന്ന് വാചസ്പതി പറയുന്നു. പിണറായിയുടെ മകളെ തട്ടമിടീക്കുമെന്ന് ഒ.അബ്ദുല്ല എന്ന മത ഭ്രാന്തൻ പരസ്യമായി വെല്ലുവിളിച്ചപ്പോഴും സി.പി.എം നേതാക്കൾ ഓടി ഒളിച്ചവർ ആണെന്ന് അദ്ദേഹം കൂട്ടിച്ചേർക്കുന്നു.

സന്ദീപ് വാചസ്പതിയുടെ ഫേസ്‌ബുക്ക് പോസ്റ്റ്:

‘പൊതുമരാമത്ത് മന്ത്രി പി.എ മുഹമ്മദ് റിയാസ് മുഖ്യമന്ത്രിയുടെ മകളെ വ്യഭിചാരം ചെയ്യുകയാണ്’, മുസ്ലിം ലീഗിന്റെ വഖഫ് സംരക്ഷണ യോഗത്തിൽ സംസ്ഥാന സെക്രട്ടറി അബ്ദുറഹ്മാൻ കല്ലായിയുടെ വായിൽ നിന്ന് ഉതിർന്നു വീണ മൊഴിമുത്താണിത്. അങ്ങേയറ്റം മനുഷ്യത്വ വിരുദ്ധമായ, സ്ത്രീ വിരുദ്ധമായ, ഭരണഘടനാ വിരുദ്ധമായ ഒരു അധിക്ഷേപം നാട്ടിലെ മന്ത്രിക്കെതിരെ, മുഖ്യമന്ത്രിയുടെ മകൾക്കെതിരെ ഉണ്ടായിട്ട് 24 മണിക്കൂർ പിന്നിട്ടു. മനുഷ്യാവകാശ, സ്ത്രീ സംരക്ഷക പോരാളികൾ ഒന്നും തന്നെ മിണ്ടിയില്ല എന്നത് പോകട്ടെ ഏതെങ്കിലും ഒരു സിപിഎം നേതാവ് പ്രതികരിച്ചോ? മന്ത്രിയും ഭാര്യയും ഇത്തരക്കാരാണെന്ന് നിങ്ങൾ സമ്മതിച്ചോ? അതോ മതം മാറാതെ മുസ്ലിങ്ങളുടെ കൂടെ കഴിയുന്ന സ്ത്രീകളെല്ലാം വ്യഭിചാരിണികൾ ആണെന്നാണോ? അതുമല്ലെങ്കിൽ സംഘടിത മുസ്ലീമിനെ എതിർക്കേണ്ടെന്ന് പാർട്ടി തീരുമാനം ഉണ്ടോ?

മന്ത്രിയെയും മുഖ്യമന്ത്രിയുടെ മകളെയും അവഹേളിച്ചിട്ടും നിങ്ങൾ പ്രതികരിക്കുന്നില്ല എങ്കിൽ അതിന് ഒറ്റ കാരണം മാത്രമേ ഉള്ളൂ. ഭീതി. ഇസ്ലാം നാമധാരികളെ, അവരെത്ര കൊടിയ പാപം ചെയ്തവരായാലും, എതിർക്കാൻ ശേഷിയില്ലാത്ത നിങ്ങളുടെ ദയനീയ ചിത്രം ഇതിനു മുൻപും കേരളം കണ്ടിട്ടുണ്ട്. പിണറായിയുടെ മകളെ തട്ടമിടീക്കുമെന്ന് ഒ.അബ്ദുല്ല എന്ന മത ഭ്രാന്തൻ പരസ്യമായി വെല്ലുവിളിച്ചപ്പോഴും നിങ്ങൾ ഓടി ഒളിച്ചവരാണ്. ഒരു കാര്യം സിപിഎം അണികൾ മനസിലാക്കണം നിങ്ങളുടെ പാർട്ടി മുസ്ലിം തീവ്രവാദത്തിന് കീഴടങ്ങിയിരിക്കുന്നു. അത് നിങ്ങൾ അംഗീകരിച്ചാലും ഇല്ലെങ്കിലും. ചിന്തിക്കുന്നവർക്ക് ദൃഷ്ടാന്തവുമുണ്ട്..