ബത്തേരി: വയനാട്ടിൽ പോക്സോ കേസിൽ മദ്രസ അദ്ധ്യാപകൻ അറസ്റ്റിൽ.ചുള്ളിയാട് സ്വദേശിയായ നാസറിനെയാണ് അമ്പലവയൽ പോലീസ് അറസ്റ്റ് ചെയ്തത്. ഇരയാക്കപ്പെട്ട കുട്ടിയുടെ പരാതിയെ തുടർന്ന് നടത്തിയ അന്വേഷണത്തിലാണ് നടപടി. കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു. സമാനസംഭവത്തിൽ മലപ്പുറത്തും അറസ്റ്റ് നടന്നിരുന്നു. ഇതിന് മുൻപ് പ്രായപൂർത്തിയാകാത്ത പെൺകുട്ടികളെ പീഡിപ്പിച്ച കേസിൽ മലപ്പുറത്ത് മദ്രസ അദ്ധ്യാപകൻ അറസ്റ്റിലായിരുന്നു.
ഒതുക്കുങ്ങൽ സ്വദേശി മുഹമ്മദാണ് അറസ്റ്റിലായത്. പത്തിൽ താഴെമാത്രം പ്രായമുള്ള അഞ്ച് പെൺകുട്ടികളെയാണ് ഇയാൾ ഉപദ്രവിച്ചത്.പെൺകുട്ടികളുടെ പരാതിയുടെ അടിസ്ഥാനത്തിലാണ് നടപടി. സംഭവത്തിൽ പെൺകുട്ടികളിൽ ഒരാളുടെ രക്ഷിതാക്കൾ മലപ്പുറം വനിതാ പോലീസിൽ പരാതി നൽകിയിരുന്നു. ഇതേ തുടർന്നാണ് പീഡന വിവരം പുറത്തുവന്നത്. പിന്നീട് നാല് കുട്ടികൾ കൂടി പരാതി നൽകുകയായിരുന്നു.
Post Your Comments