സത്യം പറഞ്ഞാൽ അങ്ങേയ്ക്ക് എന്താണ് പണി?: മരംമുറി ഉത്തരവില്‍ മന്ത്രിയോട് ചോദ്യവുമായി ശബരീനാഥന്‍

തിരുവനന്തപുരം : മുല്ലപ്പെരിയാർ മരംമുറി ഉത്തരവ് തന്റെ അറിവോടെയല്ലായിരുന്ന വനംമന്ത്രി എ കെ ശശീന്ദ്രന്റെ വിശദീകരണത്തില്‍ പരിഹാസവുമായി മുന്‍ എംഎല്‍എ കെ എസ് ശബരീനാഥന്‍. ഉത്തരവ് പുറത്തുവന്നതിന് പിന്നാലെ നടത്തിയ ആദ്യ പ്രതികരണം മുതല്‍ മുഖ്യമന്ത്രിക്കോ, ഇറിഗേഷന്‍ വകുപ്പിനോ, വനം വകുപ്പിനോ ഉത്തരവിനെക്കുറിച്ച് അറിവില്ലെന്നായിരുന്നു മന്ത്രിയുടെ വിശദീകരണം.ഒന്നാം പിണറായി സർക്കാരില്‍ ട്രാൻസ്പോർട്ട് മന്ത്രിയായിരുന്നപ്പോൾ സ്വന്തം വകുപ്പിൽ ഇ-മൊബിലിറ്റി പദ്ധതി അറിഞ്ഞില്ലെന്ന് പറഞ്ഞ എ കെ ശശീന്ദ്രന്‍ രണ്ടാം സർക്കാരിൽ വനംമന്ത്രിയായപ്പോൾ മുട്ടിൽ മരംമുറി അറിഞ്ഞില്ലെന്നാണ് പറഞ്ഞത്. ഇപ്പോള്‍ ബേബി ഡാമിൽ തമിഴ്നാട് നടത്തിയ മരംമുറിയും ഇദ്ദേഹം അറിഞ്ഞില്ല. സത്യം പറഞ്ഞാൽ അങ്ങേയ്ക്ക് എന്താണ് പണി എന്നും ശബരീനാഥന്‍ ചോദിച്ചു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.

Read Also  :  ഗ്യാസ് സിലിണ്ടറിന് തീപിടിച്ചു : ആറ് അന്യ സംസ്ഥാന തൊഴിലാളികള്‍ക്ക് പരുക്ക്

കുറിപ്പിന്റെ പൂർണരൂപം :

ട്രാൻസ്പോർട്ട് മന്ത്രിയായിരുന്നപ്പോൾ സ്വന്തം വകുപ്പിൽ e-മൊബിലിറ്റി പദ്ധതി അറിഞ്ഞില്ല
രണ്ടാം സർക്കാരിൽ വനംമന്ത്രിയായപ്പോൾ മുട്ടിൽ മരംമുറി അറിഞ്ഞില്ല
ഇപ്പോഴിതാ ബേബി ഡാമിൽ തമിഴ്നാട് നടത്തിയ മരംമുറിയും ഇദ്ദേഹം അറിഞ്ഞില്ല.
സത്യം പറഞ്ഞാൽ അങ്ങേയ്ക്ക് എന്താണ് പണി???