വീണ്ടും ചൈനീസ് കടന്നുകയറ്റം : അസാഫില മേഖലയിൽ നിർമ്മാണ പ്രവൃത്തികൾ നടക്കുന്നതായി റിപ്പോർട്ട്

ന്യൂഡൽഹി : ഇന്ത്യൻ അതിർത്തിയിൽ വീണ്ടും ചൈനീസ് കടന്നുകയറ്റമെന്ന് റിപ്പോർട്ട്. അരുണാചൽ പ്രദേശിലെ അസാഫില മേഖലയിൽ പട്രോളിംഗും നിർമ്മാണ പ്രവൃത്തികളും നടക്കുന്നുണ്ടെന്നാണ് റിപ്പോർട്ട്. സാഹചര്യം നിരീക്ഷിച്ചു വരികയാണെന്നും, കടന്നുകയറ്റം ഉഭയകക്ഷി ചർച്ചകളെ വെല്ലുവിളിക്കുന്നതാണെന്നുമാണ് ഇന്ത്യൻ പ്രതികരണം

കിഴക്കൻ ലഡാക്കിലെ ഗൽവാനിൽ നടത്തിയ കടന്നുകയറ്റമാണ് വര്‍ഷങ്ങൾക്ക് ശേഷം ഇന്ത്യ-ചൈന സംഘര്‍ഷം രൂക്ഷമാക്കിയത്. പ്രതിരോധത്തിനിടയിൽ 20 ഇന്ത്യൻ സൈനികര്‍ വീരമൃത്യു വരിച്ചു. ലഡാക്കിലെ പാൻഗോഗ് തടാകത്തിന് അരികിലേക്ക് വരെ ചൈനീസ് പട്ടാളമെത്തിയിരുന്നു. യുദ്ധസമാനമായ സാഹചര്യമായിരുന്നു പിന്നീടുള്ള മാസങ്ങളിൽ നടന്നത്.

Read Also  :  ഭീകരരെ സംരക്ഷിച്ച പാകിസ്താന് പണി കൊടുത്ത് ഐഎസ് : ആയിരങ്ങൾ തെരുവിൽ, ലോകമെങ്ങും ശരിയത്ത് നിയമങ്ങൾ നടപ്പിലാക്കുമെന്ന് വാദം

ഇപ്പോൾ ലഡാക്കിനൊപ്പം ഉത്തരാഖണ്ഡിലും അരുണാചലിലും കടന്നുകയറ്റത്തിന് ശ്രമിക്കുമ്പോൾ കൂടുതൽ വഷളാവുകയാണ് ഇന്ത്യ-ചൈന ബന്ധം. മുവായിരത്തി അഞ്ഞൂറോളം കിലോമീറ്റര്‍ വരുന്ന ഇന്ത്യ-ചൈന അതിര്‍ത്തിയിൽ കൂടുതൽ മേഖലകളിൽ തര്‍ക്കം ഉയര്‍ത്താനാണ് ഇപ്പോൾ ചൈനയുടെ നീക്കം.