ചെന്നൈ: വിദ്യാര്‍ഥിനിക്ക് അശ്ലീല ചിത്രവും മെസേജുകളും അയച്ച കോളജ് അധ്യാപകനെ സസ്‌പെന്റ് ചെയ്തു. കോയമ്പത്തൂര്‍ ജില്ലയിലെ പേരൂര്‍ ആര്‍ട്‌സ് ആന്റ് സയന്‍സ് കോളജിലെ അസോസിയേറ്റ് പ്രൊഫസറെയാണ് പ്രതിഷേധത്തെ തുടർന്ന് സസ്‌പെന്റ് ചെയ്തത്.
സംഭവത്തെ കുറിച്ച്‌ അന്വേഷിക്കാന്‍ കോളജില്‍ അന്വേഷണ സമിതി രൂപീകരിച്ചിരുന്നു. വിശാഖ കമ്മിറ്റിയുടെയും യൂണിവേഴ്‌സിറ്റി ഗ്രാന്റ്‌സ് കമ്മീഷന്റെയും ശുപാര്‍ശകളുടെ അടിസ്ഥാനത്തിലാണ് സമിതി രൂപീകരിച്ചിരിക്കുന്നത്.
പൂര്‍വ വിദ്യാര്‍ഥിയായ സതീഷ് കുമറാണ് അധ്യാപകനെതിരെ പരാതി നല്‍കിയത്. പ്രൊഫസര്‍ കെ.തിരുനാവുകരസു വിദ്യാര്‍ത്ഥിനിയെ ലൈംഗികമായി ഉപദ്രവിച്ചുവെന്നാണ് പരാതി. അധ്യാപകന് ഷര്‍ട്ട് ഇടാത്ത ചിത്രം ഉള്‍പ്പടെയാണ് പെണ്‍കുട്ടിക്ക് അയച്ചുനല്‍കിയെന്നും ആരോപണമുണ്ട്. ഈ ആരോപണങ്ങളിൽ പ്രൊഫസറോട് മൂന്ന് ദിവസത്തിനുള്ളില്‍ വിശദീകരണം നല്‍കണമെന്ന് കോളേജ് അധികൃതർ ആവശ്യപ്പെട്ടിരുന്നു. എന്നാല്‍ അധ്യാപകന്റെ വിശദീകരണം തൃപ്തികരമല്ലെന്ന് ചൂണ്ടിക്കാട്ടി അധ്യാപകനെ കോളജില്‍ നിന്ന് സസ്‌പെന്റ് ചെയ്യുകയായിരുന്നു.
എന്നാല്‍ അധ്യാപകനെ ഡിസ്മിസ് ചെയ്യണമെന്നാണ് വിദ്യാര്‍ഥികളുടെ ആവശ്യം. ഇക്കാര്യം ഉന്നയിച്ച്‌ വിദ്യാര്‍ഥികള്‍ കോളജിന് പുറത്ത് പ്രതിഷേധം ആരംഭിക്കുകയും ചെയ്തു
Post Your Comments