ചെന്നൈ: കനത്ത മഴയിൽ സബ്വേയിലുണ്ടായ വെള്ളക്കെട്ടിൽ കാർ മുങ്ങി വാഹനം ഓടിച്ചിരുന്ന വനിത ഡോക്ടർ മരിച്ചു. പുതുക്കോട്ട ജില്ലയിലെ വെള്ളല്ലൂർ റെയിൽവേ സബ് വേയിൽ നടന്ന അപകടത്തിൽ കൃഷ്ണഗിരി ജില്ലയിലെ ഹൊസൂർ സർക്കാർ ആശുപത്രിയിലെ ഡോ. എസ്. സത്യയാണ് (35) ദാരുണമായി മരിച്ചത്. വാഹനത്തിൽ ഒപ്പമുണ്ടായിരുന്ന ഭർതൃ മാതാവ് ജയത്തെ നാട്ടുകാർ രക്ഷപ്പെടുത്തി.
ഡോ. സത്യ ഓടിച്ചിരുന്ന കാർ വെള്ളിയാഴ്ച രാത്രി കനത്ത മഴയിൽ സബ് വേയിൽ നാലടി ഉയരത്തിൽ കെട്ടിനിന്ന വെള്ളത്തിൽ കുടുങ്ങുകയായിരുന്നു. കാറിൽ വെള്ളം കയറിയപ്പോൾ സീറ്റ്ബെൽറ്റ് ഊരാൻ കഴിയാതിരുന്നതാണ് മരണത്തിനു കാരണമായതെന്നാണ് ലഭ്യമായ വിവരം. സംഭവ സ്ഥലത്തെത്തിയ രക്ഷാപ്രവർത്തകർക്കുംസത്യയുടെ സീറ്റ് ബെൽറ്റ് നീക്കം ചെയ്യാൻ കഴിഞ്ഞില്ല.
Post Your Comments