മുത്തലാഖ് നിരോധിച്ചതിന്, സ്ത്രീകളുടെ അഭിമാനം രക്ഷിച്ചതിന്, മോദിയുടെ ജന്മദിനത്തിൽ മുസ്ലീംവനിതകളുടെ ദുആ സമ്മേളനം

എറണാകുളം: മുത്തലാഖ് നിരോധിച്ചതിന്റെ സന്തോഷത്തിൽ ഇന്ന് പ്രധാനമന്ത്രി നരേന്ദ്രമോദിയുടെ ജന്മദിനത്തിൽ മുസ്ളീം വനിതകളുടെ ദുആ സമ്മേളനം നടക്കുമെന്ന് ബിജെപി നേതാവ് എസ് സുരേഷ്. എറണാകുളത്ത് ഇന്ന് രാവിലെ 11 മണിക്ക് നടക്കുന്ന ഈ സമ്മേളനത്തിൽ അഫ്ഗാനിലെ വനിതകൾ അനുഭവിക്കുന്ന കൊടും ക്രൂരതകൾക്കെതിരെ പ്രതികരിക്കുകയും അഫ്ഗാനിലെ വനിതകൾക്ക് ഐക്യദാർഢ്യം പ്രകടിപ്പിക്കുകയും ചെയ്യും. ബിജെപി ന്യൂനപക്ഷ മോർച്ചയുടെ നേതൃത്വത്തിലാണ് പരിപാടി നടക്കുക.

വെള്ളിയാഴ്ച രാവിലെ 11 ന്​ എറണാകുളത്ത്​ ദുആ സമ്മേളനം നടത്തുമെന്നാണ്​ ന്യൂനപക്ഷ മോര്‍ച്ചയുടെ അറിയിപ്പ്​. ഇതു സംബന്ധിച്ചുള്ള പോസ്റ്ററുകളില്‍ ദുആ സമ്മേളന വേദി എറണാകുളത്താണെന്ന്​ മാത്രമാണുള്ളത്​. കൃത്യമായ വേദി സംബന്ധിച്ച്‌​ അറിയിപ്പൊന്നും ഇല്ല.

അദ്ദേഹത്തിന്റെ ഫേസ്‌ബുക്ക് പോസ്റ്റ് കാണാം:

മുത്തലാഖ് നിരോധിച്ചതിന്…
സ്ത്രീത്വത്തെ അപമാനിക്കുന്ന താലിബാനിസത്തെ പ്രതിരോധിച്ച്…
അഭിമാനം സംരക്ഷിച്ച.. മോദിജിക്ക്
നന്ദി.. ജന്മദിനത്തിൽ
മുസ്ലീം വനിതകളുടെ
ദുആ സമ്മേളനം
സെപ്തംബർ 17 ന്
എറണാകുളത്ത്.