പ്രതിദിന കോവിഡ് വാക്‌സിനേഷനിൽ വീണ്ടും റെക്കോർഡ് നേട്ടവുമായി ഇന്ത്യ

ന്യൂഡൽഹി : പ്രതിദിന കോവിഡ് വാക്‌സിനേഷനിൽ വീണ്ടും റെക്കോർഡ് നേട്ടവുമായി ഇന്ത്യ. കഴിഞ്ഞ 24 മണിക്കൂറിനിടെ ഒരു കോടി പേർക്ക് വാക്‌സിൻ വിതരണം ചെയ്തു. ഉത്തർപ്രദേശിലാണ് ഏറ്റവും കൂടുതൽ വാക്‌സിനേഷൻ നടന്നത്.

Read Also : തീർത്ഥയാത്രയുടെയും വിനോദ യാത്രയുടെയും പ്രതീതി ഒരുമിച്ചു പകരുന്ന സുവർണക്ഷേത്രം 

കഴിഞ്ഞ 11 ദിവസത്തിനിടെ ഇത് മൂന്നാം തവണയാണ് രാജ്യം ഒരു ദിവസം ഒരുകോടി ഡോസ് വാക്‌സിൻ വിതരണം ചെയ്യുന്നത്. ഓഗസ്റ്റ് 31നും 27നുമാണ് നേരത്തെ ഒരു കോടി പേർക്ക് വാക്‌സിൻ നൽകുന്നത്. ഓഗസ്റ്റ് 27ന് 1,08,99,699 പേർക്ക് വാക്‌സിൻ നൽകി. 31ന് 1.09 കോടി പേർക്കും വാക്‌സിൻ നൽകി.

ഇന്ത്യയുടെ നേട്ടത്തെ പ്രധാനമന്ത്രിയും പ്രശംസിച്ചു. കോവിഡ് വാക്‌സിനേഷൻ രംഗത്തും ഇംഗ്ലണ്ടിനെതിരായ ഓവൽ ക്രിക്കറ്റ് ടസ്റ്റിലും ഇന്ത്യയ്‌ക്ക് മഹത്തായ ദിനമെന്നാണ് പ്രധാനമന്ത്രി നരേന്ദ്ര മോദി കുറിച്ചത്.