ന്യൂഡല്‍ഹി : അഫ്ഗാനിസ്ഥാനില്‍ താലിബാന്‍ അധികാരത്തില്‍ എത്തിയത് ആഘോഷിക്കുന്നവരില്‍ ഇന്ത്യന്‍ മുസ്ലീങ്ങളുമുണ്ടെന്ന നടന്റെ വാക്കുകള്‍ വിവാദമാകുന്നു. ബോളിവുഡ് നടന്‍ നസറുദ്ദീന്‍ ഷായുടെ പ്രസ്താവനയാണ് വിവാദമായത്. സമൂഹമാദ്ധ്യങ്ങളിലൂടെ നിരവധി പേര്‍ അദ്ദേഹത്തിനെ പരസ്യമായി വിമര്‍ശിച്ചു. രാഷ്ട്രീയ കാഴ്ചപ്പാടുകളിലൂടെ വാര്‍ത്തകളില്‍ നിറഞ്ഞു നില്‍ക്കുന്ന താരമാണ് നസറുദ്ദീന്‍ ഷാ. താലിബാന്റെ തീരുമാനങ്ങളെ വിമര്‍ശിച്ചതിനൊപ്പമാണ് ഇത്തരം വിവാദ പ്രസ്താവന അദ്ദേഹം നടത്തിയത്.
പ്രാകൃതമായ പാരമ്പര്യങ്ങളോടും മൂല്യങ്ങളോടും ഒപ്പം ജീവിക്കാനാണോ അതോ ആധുനികതയെ പിന്തുണയ്ക്കാനാണോ താത്പ്പര്യമെന്ന് എല്ലാ ഇന്ത്യക്കാരും സ്വയം ചോദിക്കണമെന്നും അദ്ദേഹം ആവശ്യപ്പെട്ടു. സ്വയം പ്രമോഷനായി മുസ്ലീം ഐഡന്റിറ്റി ഉപയോഗിക്കുകയാണ് താരം ചെയ്യുന്നതെന്ന് വിമര്‍ശകര്‍ ആരോപിച്ചു. ചിലയാളുകള്‍ നടനെ നിരീശ്വരവാദി എന്നും വിശേഷിപ്പിച്ചു.
Post Your Comments