കാബൂൾ : കാബൂളിൽ അമേരിക്കയുടെ റോക്കറ്റാക്രമണം. വിമാനത്താവളം ലക്ഷ്യമാക്കിയ ഉന്നംവച്ച റോക്കറ്റ് ജനവാസമേഖലയിലാണ് പതിച്ചത്. സ്ഫോടക വസ്തുക്കള്‍ നിറച്ച വാഹനത്തിലാണ് ചാവേറെത്തിയത്. ആക്രമണത്തിൽ ഒരു കുട്ടിയടക്കം നാല് പേർ മരിച്ചെന്ന് അഫ്ഗാൻ പോലീസ് വ്യക്തമാക്കി. നിരവധി പേർക്ക് പരിക്കേൽക്കുകയും ചെയ്തു.
Read Also : അന്താരാഷ്ട്ര വിമാന സര്‍വീസുകള്‍ക്കുള്ള വിലക്ക് വീണ്ടും നീട്ടി ഇന്ത്യ
അതേസമയം വിമാനത്താവളം ലക്ഷ്യമാക്കിയ ഐഎസ്‌ഐഎസ്-ഖൊറാസൻ തീവ്രവാദികളെ ഉന്നമിട്ടുള്ള ആക്രമണമാണ് അമേരിക്ക നടത്തിയതെന്നാണ് പുറത്തുവരുന്ന വിവരം. വ്യാഴാഴ്‌ച്ച നിരവധി പേരുടെ മരണത്തിനിടയാക്കിയ ഇരട്ട സ്‌ഫോടനത്തിന് പിന്നാലെയാണ് അമേരിക്കയുടെ പ്രത്യാക്രമണം. ആക്രമണത്തിന് പിന്നിൽ തങ്ങളാണെന്ന് യുഎസ് ഉദ്യോഗസ്ഥർ അറിയിച്ചതായി വിദേശമാദ്ധ്യമങ്ങൾ റിപ്പോർട്ട് ചെയ്യുന്നുണ്ട്. ഭീകരാക്രമണ സാദ്ധ്യതയുണ്ടെന്ന അമേരിക്കൻ പ്രസിഡന്റ് ജൊ ബൈഡന്റെ മുന്നറിയിപ്പിന് തൊട്ടുപിന്നാലെയാണ് സ്ഫോടനം.
ഇരട്ട സ്‌ഫോടനത്തിൽ കുട്ടികളടക്കം നൂറിൽ അധികം പേരാണ് മരിച്ചത്. ഇതിൽ താലിബാൻകാരുമുണ്ടെന്നാണ് വിവരം. അഫ്ഗാനിൽ നിന്ന് പലായനം ചെയ്യുന്നതിനായി ആയിരക്കണക്കിന് ആളുകൾ വിമാനത്താവളത്തിന് പുറത്ത് തിങ്ങിനിറഞ്ഞിരിക്കുമ്പോഴാണ് സ്ഫോടനം നടന്നത്.
Post Your Comments