ഇംഫാൽ : കോവിഡ് വാക്‌സിൻ അനധികൃതമായി വിദേശത്തേക്ക് കടത്താൻ ശ്രമിച്ച സംഭവത്തിൽ മൂന്ന് പേർ അറസ്റ്റിൽ. മുഹമ്മദ് ഫിറോസ് ഖാൻ(30), ഇമ്രാൻ ഖാൻ(22), ശുഭം കുമാർ ആനന്ദ്(23) എന്നിവരാണ് പിടിയിലായത്.
കൊവിഷീൽഡ് വാക്‌സിൻ, കൊറോണ പ്രതിരോധ മരുന്നായ റെംഡിസീവർ, മറ്റ് മരുന്നുകൾ എന്നിവയാണ് ഇവർ വിദേശത്തേക്ക് കടത്താൻ ശ്രമിച്ചത്. വാക്‌സിൻ മ്യാന്മറിലേക്ക് കടത്താനായിരുന്നു സംഘത്തിന്റെ ശ്രമം. എന്നാൽ വാഹന പരിശോധനയ്‌ക്കിടെ പോലീസ് പിടികൂടുകയായിരുന്നു.
പ്രതികൾക്ക് മരുന്നുകൾ ലഭിച്ചത് എവിടെ നിന്നാണെന്നും കേസിൽ മറ്റാർക്കെങ്കിലും പങ്കുണ്ടോയെന്നും അന്വേഷിച്ചുവരിയാണെന്നും പോലീസ് പറഞ്ഞു.
Post Your Comments