ഓർമ്മിക്കാതെ പോലും തിങ്കളാഴ്ച ഈ പ്രവൃത്തി ചെയ്യരുത്..

തിങ്കളാഴ്ച  ഭഗവാൻ ശിവന്റെ ദിവസമാണ്. അതുകൊണ്ടുതന്നെ തിങ്കളാഴ്ച മഹാദേവനെ   ആരാധിക്കുന്നത് പ്രധാനമാണ്.   പക്ഷേ ഈ ദിനം ചന്ദ്രന്റെ ദിനം കൂടിയാണ്. അതിനാൽ ചന്ദ്ര ദോഷങ്ങൾ പരിഹരിക്കുന്നതിനും ഈ ദിവസം പ്രധാനമാണ്.

ചന്ദ്രദോഷത്തിന് പരിഹാരങ്ങൾ ചെയ്യുന്നതിലൂടെ അത് സമാധാനവും ആരോഗ്യവും സമൃദ്ധിയും നൽകുന്നു. തിങ്കളാഴ്ച ദിനം ദേഷ്യം കൂടുതലായ ആളുകൾ ഉപവാസമെടുക്കുന്നത് (Monday Fast) നല്ലതാണ്.  ഇതിലൂടെ ഇവരുടെ കോപത്തിന്റെ തീവ്രത കുറയും എന്നാണ് വിശ്വാസം.

തിങ്കളാഴ്ച ഈ കാര്യങ്ങൾക്ക് ശുഭമാണ്

തിങ്കളാഴ്ച ശിവനെ പ്രീതിപ്പെടുത്താൻ ഭക്തർ നിരവധി ഉപായങ്ങൾ കൈക്കൊള്ളുന്നു. മഹാദേവൻ ക്ഷിപ്ര പ്രസാദിയും ക്ഷിപ്ര കോപിയുമാണ്.  അതുകൊണ്ടുതന്നെ ഇന്നേ ദിവസം തെറ്റുകളൊന്നും പറ്റാതെ നോക്കേണ്ടത് ഭക്തരുടെ ആവശ്യമാണ്.  ഈ ദിനം മഹാദേവനെ വിധിവിധാനത്തോടെ ആരാധിക്കണം.

അതുപോലെ  ഇന്നേ ദിവസം ചില കാര്യങ്ങൾ ചെയ്യുന്നത് ഉത്തമമാണ്.  അതായത് പണം നിക്ഷേപം ചെയ്യുക ( സ്വർണം, വെള്ളി, ഷെയർ മാർക്കറ്റ്),  വീട് നിർമ്മാണം ആരംഭിക്കുക എന്നിവയ്ക്ക് നല്ല ദിനമാണ് തിങ്കളാഴ്ച.

ഓർമ്മിക്കാതെ പോലും തിങ്കളാഴ്ച ഈ പ്രവൃത്തി ചെയ്യരുത്

തിങ്കളാഴ്ച ചില ജോലികൾ ചെയ്യുന്നത് വിലക്കപ്പെട്ടതായി കണക്കാക്കുന്നു. അതുകൊണ്ടുതന്നെ ഈ ദിവസം ഇക്കാര്യങ്ങൾ ചെയ്യുന്നത് ജീവിതത്തിൽ ബുദ്ധിമുട്ടുകൾ സൃഷ്ടിക്കും. അതിനാൽ ഓർമ്മിക്കാതെപോലും ഇക്കാര്യങ്ങൾ ചെയ്യരുത്.

• ഈ ദിവസം പഞ്ചസാര കഴിക്കരുത്.
• ഉച്ചതിരിഞ്ഞ് ഉറങ്ങരുത്.
• വെളുത്ത വസ്ത്രങ്ങളോ പാലോ ആർക്കും ദാനം ചെയ്യരുത്.
• ഈ ദിവസം വടക്ക്, കിഴക്ക് ദിശകളിൽ യാത്ര ചെയ്യരുത്. പ്രത്യേകിച്ചും കിഴക്ക് ഭാഗത്ത്.
• ഈ ദിവസം അമ്മയുമായി ഒരു തരത്തിലും തർക്കിക്കരുത്.
• കുലദേവതയെ ഒരു തരത്തിലും അപമാനിക്കരുത്. അപമാനിച്ചാൽ ജീവിതത്തിൽ ഒരുപാട് പ്രശ്‌നങ്ങൾ വരാം.
• ഈ ദിവസം രാവിലെ 7:30 മുതൽ 9:00 വരെ രാഹുകാലം ആയിരിക്കും.  അതിനാൽ ഈ സമയത്ത് യാത്രയോ മറ്റേതെങ്കിലും ശുഭപ്രവൃത്തികളോ ആരംഭിക്കരുത്.
• ഈ ദിനം ശനിയുമായി ബന്ധപ്പെട്ട ഭക്ഷണം കഴിക്കരുത്.  അതായത് വഴുതനങ്ങ, ജാക്ക് ഫ്രൂട്ട്, കടുകിന്റെ ഇല, കറുത്ത എള്ള്, ഉഴുന്ന്, മസാല പച്ചക്കറികൾ തുടങ്ങിയവ കഴിക്കരുത്.
• ഒപ്പം ശനിയുമായി ബന്ധപ്പെട്ട വസ്ത്രങ്ങൾ ധരിക്കരുത്. അതായത് കറുപ്പ്, നീല, പർപ്പിൾ അല്ലെങ്കിൽ തവിട്ട് നിറമുള്ള വസ്ത്രങ്ങൾ ധരിക്കരുത്.