ചണ്ഡീഗഢ് : പത്താം ക്ലാസ് പരീക്ഷ വീണ്ടും എഴുതി ഹരിയാന മുന്‍ മുഖ്യമന്ത്രി ഓം പ്രകാശ് ചൗട്ടാല. സിര്‍സയിലുള്ള ആര്യ കന്യ സീനിയര്‍ സെക്കണ്ടറി സ്കൂളിലെത്തിയാണ് അദ്ദേഹം ഇംഗ്ലീഷ് പരീക്ഷയെഴുതിയത്. രണ്ട് മണിക്കൂര്‍ പരീക്ഷ എഴുതിയതിന് ശേഷമാണ് അദ്ദേഹം പരീക്ഷാ ഹാള്‍ വിട്ടത്.
ഓം പ്രകാശ് 12 -ാം ക്ലാസ് പരീക്ഷയെഴുതിയെങ്കിലും പത്താം ക്ലാസ് ഇംഗ്ലീഷ് പരീക്ഷ പാസായിട്ടില്ലെന്ന് കാണിച്ച അദ്ദേഹത്തിന്റെ ഫലം തടഞ്ഞുവച്ചിരിക്കുകയാണ്. ഇതിനെ തുടര്‍ന്നാണ് ഇന്നലെ പത്താം ക്ലാസ് പരീക്ഷയെഴുതിയത്. എണ്‍പത്തിയാറുകാരനായ ചൗട്ടാല പരീക്ഷ എഴുതാന്‍ ഒരു സഹായിയെ അനുവദിക്കണമെന്ന ആവശ്യം അധികൃതര്‍ അംഗീകരിച്ചിരുന്നു.
Post Your Comments