ബസുകള്‍ക്ക്​​ ഇനി സൗഹൃദത്തിന്റെ വര്‍ണം: ഇന്ത്യയുമായുള്ള സൗഹൃദം ദൃഢപ്പെടുത്തി കുവൈത്ത്

കു​വൈ​ത്ത്​ സി​റ്റി: ഇന്ത്യയുമായുള്ള സൗഹൃദം വീണ്ടും ഊട്ടിയുറപ്പിച്ച് കുവൈത്ത്. രാജ്യത്തെ പൊ​തു​ഗ​താ​ഗ​ത സൗ​ക​ര്യ​മാ​യ ബ​സു​ക​ള്‍ കാ​ണുമ്പോ​ള്‍ ഇ​ന്ത്യ​ക്കാ​ര്‍​ക്ക്​ ആ​ഹ്ലാ​ദ​വും അ​ഭി​മാ​ന​വും തോ​ന്നും. ഇ​ന്ത്യ​യു​ടെ 75ാം സ്വാ​ത​ന്ത്ര്യ​ദി​ന​വും ഇ​ന്തോ-​കു​വൈ​ത്ത് സൗ​ഹൃ​ദ​ത്തിന്റെ 60ാം വാ​ര്‍​ഷി​ക​വും അ​ട​യാ​ള​പ്പെ​ടു​ത്താ​ന്‍ ഇ​ന്ത്യ​ന്‍ എം​ബ​സി​യു​ടെ ആ​ഭി​മു​ഖ്യ​ത്തി​ല്‍ ബ​സ്​ പ്ര​മോ​ഷ​ന്‍ ക്യാമ്പ​യി​ന്‍ ആ​രം​ഭി​ച്ചു.

കു​വൈ​ത്തി​ലെ പ്ര​മു​ഖ ബി​സി​ന​സ്​ ഗ്രൂ​പ്പു​ക​ളു​​ടെ സ​ഹാ​യ​ത്തോ​ടെ​യാ​ണ് ഇ​ന്ത്യ​ന്‍ എം​ബ​സി ബ​സ് പ്ര​മോ​ഷ​ന്‍ ആ​രം​ഭി​ച്ച​ത്. 75ാം സ്വാ​ത​ന്ത്ര്യ​ദി​നം ആ​ഘോ​ഷി​ക്കു​ന്ന ഇ​ന്ത്യ​ക്ക് ആ​ശം​സ നേ​ര്‍​ന്നു​ള്ള പ​ര​സ്യ​ങ്ങ​ളാ​ണ് കു​വൈ​ത്തി​ലെ പ​ബ്ലി​ക് ട്രാ​ന്‍​സ്‌​പോ​ര്‍​ട്ട് ബ​സു​ക​ളി​ല്‍ പ​തി​ച്ച​ത്. എം​ബ​സി പ​രി​സ​ര​ത്ത് ന​ട​ന്ന ച​ട​ങ്ങി​ല്‍ ഇ​ന്ത്യ​ന്‍ അം​ബാ​സ​ഡ​ര്‍ സി​ബി ജോ​ര്‍​ജ് ബ​സു​ക​ളു​ടെ ഫ്ലാ​ഗ് ഓ​ഫ് നി​ര്‍​വ​ഹി​ച്ചു. കു​വൈ​ത്ത് ഇ​ന്‍​ഫ​ര്‍​മേ​ഷ​ന്‍ മ​ന്ത്രാ​ല​യം ഡ​യ​റ​ക്ട​ര്‍ മാ​സി​ന്‍ അ​ല്‍ അ​ന്‍​സാ​രി, കു​വൈ​ത്തി​ലെ വി​വി​ധ വ്യ​വ​സാ​യ സ്ഥാ​പ​ന​ങ്ങ​ളു​ടെ പ്ര​തി​നി​ധി​ക​ള്‍ എ​ന്നി​വ​ര്‍ ച​ട​ങ്ങി​ല്‍ സം​ബ​ന്ധി​ച്ചു.

Read Also: കോവിഡ് വാക്സിനേഷന് തദ്ദേശ സ്ഥാപന രജിസ്ട്രേഷൻ വേണമെന്ന പ്രചാരണം തെറ്റ്; ആരോഗ്യ മന്ത്രി

മൂ​ന്നാ​ഴ്ച​ക്കാ​ലം കു​വൈ​ത്തി​ലെ നി​ര​ത്തു​ക​ളി​ല്‍ ഇ​ന്ത്യ​ന്‍ സ്വാ​ത​ന്ത്ര്യ​ദി​ന​ത്തിന്റെ​യും ഇ​ന്ത്യ കു​വൈ​ത്ത് സൗ​ഹൃ​ദ​ത്തിന്റെയും സ​ന്ദേ​ശം വി​ളം​ബ​രം ചെ​യ്തു​കൊ​ണ്ടാ​ണ് ബ​സു​ക​ള്‍ സ​ര്‍​വി​സ് ന​ട​ത്തു​ക. ക്യാമ്പ​യി​നിന്റെ ഭാ​ഗ​മാ​യി എം​ബ​സി അ​ങ്ക​ണ​ത്തി​ല്‍ ആ​സാ​ദി കാ ​അ​മൃ​ത് മ​ഹോ​ത്സ​വ് എ​ന്ന ത​ല​ക്കെ​ട്ടി​ല്‍ ഫോ​ട്ടോ ബൂ​ത്തും സ​ജ്ജീ​ക​രി​ച്ചി​ട്ടു​ണ്ട്.