തൃശൂർ: പ്രായപൂർത്തിയാകാത്ത സീരിയൽ താരത്തെ ഫേസ്ബുക്കിലൂടെ അപകീർത്തിപ്പെടുത്തിയ യുവാവ് അറസ്റ്റിൽ. കൊല്ലം കണ്ണനെല്ലൂർ സ്വദേശി അൽ അമീൻ ആണ് അറസ്റ്റിലായത്. 2019 മുതൽ ബാലതാരത്തിന്റെ പേരും ഫോട്ടോയും ഉപയോഗിച്ച് വ്യാജ ഫേസ്ബുക്ക് അക്കൗണ്ട് വഴി അശ്ലീല സന്ദേശങ്ങൾ അൽ അമീൻ പ്രചരിപ്പിച്ചിരുന്നു. ഇരിങ്ങാലക്കുട സൈബർ പോലീസാണ് ഇയാളെ അറസ്റ്റ് ചെയ്തത്.
Read Also: സഹകരണ ബാങ്കുകളിലെ തട്ടിപ്പ് തടയും: എല്ലാ സംവിധാനങ്ങളും ഒരുക്കിയിട്ടുണ്ടെന്ന് വി.എന്‍ വാസവന്‍
സീരിയലുകളിലെ സ്ത്രീ കഥാപാത്രങ്ങളുടെ ചിത്രങ്ങളും ഇയാൾ പ്രചരിപ്പിച്ചിട്ടുണ്ട്. സംസ്ഥാന ബാലവകാശ കമ്മീഷനാണ് കേസ് രജിസ്റ്റർ ചെയ്യാൻ പോലീസിന് നിർദ്ദേശം നൽകിയിരുന്നത്.
ഇക്കാര്യം ചൂണ്ടിക്കാട്ടി കേസ് എടുക്കാൻ തിരുവനന്തപുരം സൈബർ പൊലീസിനോട് നിർദ്ദേശിക്കുകായിരുന്നു. തുടർന്ന് കേസ് ഇരിങ്ങാലക്കുട സൈബർ പൊലീസിന് കൈമാറി. ഫേസ്ബുക്കിൽ നിന്നും ഇന്റർനെറ്റ് സേവനദാതാക്കളിൽ നിന്നും വിവരങ്ങൾ ശേഖരിച്ചാണ് പ്രതിയെ പിടികൂടിയത്. പോലീസ് പിടികൂടാതിരിക്കാനായി മറ്റൊരാളുടെ വിലാസത്തിലുള്ള മൊബൈൽ നമ്പറാണ് ഇയാൾ ഇന്റർനെറ്റിനായി ഉപയോഗിച്ചിരുന്നത്.
Post Your Comments