ലണ്ടന്‍: ബ്രിട്ടനിലെ പ്രമുഖ വിനോദ സഞ്ചാര കേന്ദ്രങ്ങളില്‍ ഒന്നായ പ്ലൈമൗത്തിൽ വച്ചുണ്ടായ വെടിവയ്പ്പിൽ ആറുപേർ കൊല്ലപ്പെട്ടു. ദക്ഷിണപടിഞ്ഞാറന്‍ ഇംഗ്ലീഷ് നഗരമാണ് പ്ലൈമൗത്ത്. വെടിവെപ്പില്‍ കൊല്ലപ്പെട്ടവരിൽ ഒരു ആയുധധാരിയും ഉള്‍പെടുന്നു.
Also Read:നിയമലംഘനം നടത്തുന്നവരെ നാടുകടത്തും: നിർണായക നീക്കവുമായി കുവൈത്ത്
രണ്ടു വീതം പുരുഷന്‍മാരും സ്ത്രീകളും സംഭവസ്ഥലത്ത് തന്നെ മരിച്ചു. പ്ലൈമൗത്തിലെ കീഹാം പ്രദേശത്ത് വ്യാഴാഴ്ച വൈകീട്ട് നടന്ന സംഭവത്തിന് ഭീകര ബന്ധമില്ലെന്നാണ് പൊലീസ് കരുതുന്നത്. അക്രമിയെന്ന് കരുതപ്പെടുന്നയാളുടെ മൃതദേഹവും കണ്ടെടുത്തു. വെടിവെപ്പില്‍ പരിക്കേറ്റ ഒരു സ്ത്രീ ആശുപത്രിയില്‍ വെച്ചാണ് മരിച്ചത്.
വെടിവെക്കുന്ന ശബ്ദവും അലര്‍ച്ചയും കേട്ട പ്രദേശവാസികളാണ് പൊലീസിനെ വിവരമറിയിച്ചത്.ആയുധധാരിയും മരിച്ചവരും തമ്മില്‍ എന്തെങ്കിലും ബന്ധമുണ്ടോയെന്ന് പൊലീസ് അന്വേഷണം തുടങ്ങി.
ആഭ്യന്തര മന്ത്രി പ്രീതി പട്ടേൽ സംഭവത്തില്‍ നടുക്കം രേഖപ്പെടുത്തി.
Post Your Comments