കൊല്ലം: തെന്മലയിൽ പോക്‌സോ കേസ് പ്രതിയെ വെട്ടിക്കൊലപ്പെടുത്തി. തെന്മല സ്വദേശി അരുൺ ആണ് വെട്ടേറ്റ് മരിച്ചത്. ഇന്നലെ രാത്രി 9 മണിയോടെ തെന്മല ബിവറേജസിന് സമീപത്ത് വച്ച് കാറിലെത്തിയ സംഘമാണ് അരുണിനെ അക്രമിച്ചത്.
സാമ്പത്തിക ഇടപാടുകളെ ചൊല്ലിയുള്ള തർക്കമാണ് കൊലപാതകത്തിന് കാരണമെന്നാണ് പോലീസിന്റെ പ്രാഥമിക നിഗമനം. കൊലപാതകം നടത്തിയ രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്.ആര്യങ്കാവ് സ്വദേശി വിപിൻ രാജ്, ഒപ്പമുണ്ടായിരുന്ന ശ്യം എന്നിവരെയാണ് തെന്മല പോലീസ് കസ്റ്റഡിയിലെടുത്തത്.
സംഘട്ടനത്തിനിടെ പരുക്കേറ്റ വിപിൻ രാജിനെ പോലീസ് ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Post Your Comments