കോവിഡ് മരണങ്ങളുടെ വിവരങ്ങളറിയാൻ പുതിയ സംവിധാനം: വിശദ വിവരങ്ങൾ അറിയാം

തിരുവനന്തപുരം: സംസ്ഥാനത്തെ കോവിഡ് മരണങ്ങളുടെ വിവരങ്ങളറിയാൻ പുതിയ സംവിധാനം. കോവിഡ് ഡെത്ത് ഇൻഫർമേഷൻ പോർട്ടൽ എന്ന സംവിധാനം സംസ്ഥാന സർക്കാർ പുറത്തിറക്കി. ആരോഗ്യമന്ത്രി വീണാ ജോർജാണ് ഇക്കാര്യം അറിയിച്ചത്. പൊതുജനങ്ങൾക്കും സർക്കാർ സ്ഥാപനങ്ങൾക്കും ഒരുപോലെ ഉപയോഗിക്കാൻ കഴിയുന്നതാണ് ഈ പോർട്ടലെന്ന് ആരോഗ്യ മന്ത്രി വ്യക്തമാക്കി.

Read Also: അമ്മയെ പീഡിപ്പിച്ച് ഗർഭിണിയാക്കിയയാളെ തേടിപിടിച്ച് മകൾ: നിയമപ്പോരാട്ടത്തിനൊടുവിൽ സ്വന്തം അച്ഛന് ശിക്ഷ വാങ്ങി നൽകി

പൊതുജനത്തിന് അവരുടെ ബന്ധുക്കളുടെ മരണത്തിന്റെ വിശദാംശങ്ങൾ തെരയുന്നതിനുള്ള ഓപ്ഷൻ പോർട്ടലിലുണ്ട്. സർക്കാർ ഔദ്യോഗികമായി കോവിഡ് മരണമാണെന്ന് റിപ്പോർട്ട് ചെയ്തവ എല്ലാം ഈ പോർട്ടലിലൂടെ കണ്ടെത്താനാകും. പേര്, ജില്ല, മരണ തീയതി തുടങ്ങിയ വിശദാംശങ്ങൾ നൽകിയാൽ പോർട്ടലിൽ നിന്ന് വിവരങ്ങൾ ലഭ്യമാകുന്നതാണ്. ഇതുകൂടാതെ പ്രഖ്യാപിക്കപ്പെട്ട കോവിഡ് മരണങ്ങളുടെ, ഡി.എം.ഒ. നൽകുന്ന ഡെത്ത് ഡിക്ലറേഷൻ ഡോക്യുമെന്റിന്റെ ആധികാരികത പരിശോധിക്കുന്നതിന് വിവിധ സർക്കാർ സ്ഥാപനങ്ങൾക്ക് കഴിയുന്നതാണ്. നിലവിൽ 22.07.2021 വരെയുള്ള മരണങ്ങൾ ലഭ്യമാണ്. 22.07.2021 ന് ശേഷം പ്രഖ്യാപിച്ച മരണങ്ങൾ ഉടൻ തന്നെ അപ്ഡേറ്റ് ചെയ്യുന്നതാണെന്ന് ആരോഗ്യ മന്ത്രി വിശദമാക്കി. https://covid19.kerala.gov.in/deathinfo/ എന്നാണ് പോർട്ടലിന്റെ ലിങ്ക്.

Read Also: കൂടുതൽ നേട്ടങ്ങൾ കരസ്ഥമാക്കാൻ വിജയം പ്രചോദനമാകട്ടെ: രവി കുമാർ ദഹിയയ്ക്ക് അഭിനന്ദനം അറിയിച്ച് മുഖ്യമന്ത്രി