പാലക്കാട്: അഞ്ചു യുവാക്കൾ നായകളുമായി കയ്യിൽ ആയുധവുമായി പോകുന്ന ദൃശ്യങ്ങൾ പുറത്ത്. കാഞ്ഞിരപ്പുഴയിലാണ് സംഭവം. പ്രദേശത്തെ വിവിധ കടകളിലും സ്ഥാപനങ്ങളിലും സ്ഥാപിച്ച സിസിടിവി യിലാണ് നായാട്ട് സംഘമെന്ന് സംശയിക്കുന്ന സംഘം സഞ്ചരിയ്ക്കുന്നതിൻ്റെ ദൃശ്യങ്ങൾ പതിഞ്ഞത്.
ആയുധങ്ങളും നായകളുമായി അഞ്ചു യുവാക്കൾ സഞ്ചരിയ്ക്കുന്നതാണ് ദൃശ്യം. ഈ മേഖലയിലുള്ളവർ തന്നെ സമീപത്തെ വനത്തിലേക്ക് നായാട്ടിനായി പോവുന്നതെന്നാണ് സൂചന. ജൂലൈ 25 ന് രാത്രി പത്തുമണിയോടെയാണ് ഈ ദൃശ്യങ്ങൾ സിസിടിവി യിൽ പതിഞ്ഞിട്ടുള്ളത്. സംഭവത്തെ തുടർന്ന് വനം വകുപ്പും പൊലീസും അന്വേഷണം ആരംഭിച്ചു.
ശിരുവാണി വനമേഖലയോട് ചേർന്ന് കിടക്കുന്ന പ്രദേശമാണ് കാഞ്ഞിരപ്പുഴ. ഇവിടെ മാൻ ഉൾപ്പടെയുള്ള മൃഗങ്ങളെ വേട്ടയാടിയ സംഭവങ്ങൾ നേരത്തേയുണ്ടായിട്ടുണ്ടെന്ന് നാട്ടുകാർ പറയുന്നു
Post Your Comments