കൊച്ചി: സര്‍ക്കാര്‍ കൂടുതല്‍ സമയം തേടിയതിനെത്തുടര്‍ന്ന് കൊടകരയില്‍ കുഴല്‍പണം തട്ടിയെടുത്ത കേസിലെ പ്രതികളുടെ ജാമ്യഹരജികള്‍ ഹൈകോടതി വെള്ളിയാഴ്‌ച പരിഗണിക്കാന്‍ മാറ്റി. സുജീഷ്, ദീപ്‌തി, അഭിജിത്ത്, അരീഷ്, അബ്ദുല്‍ ഷാഹിദ് എന്നീ പ്രതികളുടെ ഹരജികളാണ് മാറ്റിയത്. പണത്തിന്റെ ഉറവിടം കണ്ടെത്താന്‍ അന്വേഷണം നടക്കുന്ന സാഹചര്യത്തില്‍ പ്രതികള്‍ക്ക് ജാമ്യം അനുവദിക്കരുതെന്നാണ് പ്രോസിക്യൂഷന്‍ വാദം.
ഹരജി പരിഗണിക്കവേ അഡീഷനല്‍ പ്രോസിക്യൂഷന്‍ ഡയറക്ടര്‍ ജനറല്‍ കൂടുതല്‍ സമയം തേടിയപ്പോള്‍ ജസ്റ്റിസ് കെ. ഹരിപാല്‍ അനുവദിച്ചു. അതേസമയം കേസിൽ ബിജെപി നേതാക്കൾക്കെതിരെ ആരോപണമുന്നയിക്കുന്നുണ്ടെങ്കിലും ഇതുവരെ ഇതിനാധാരമായ യാതൊരു തെളിവുകളും പൊലീസിന് കണ്ടെത്താൻ കഴിഞ്ഞിട്ടില്ല.
Post Your Comments