ഇൻസ്റ്റഗ്രാം സമ്പന്നരുടെ പട്ടികയിൽ ഒന്നാമതെത്തി ക്രിസ്റ്റ്യാനോ: ഒരു പെയ്ഡ് പോസ്റ്റിന് ലഭിക്കുന്നത് കോടികൾ

ലണ്ടൻ: ഇൻസ്റ്റഗ്രാം സമ്പന്നരുടെ പട്ടികയിൽ ഒന്നാമതെത്തി ഫുട്ബോൾ സൂപ്പർ താരം ക്രിസ്റ്റ്യാനോ റൊണാൾഡോ. ഒരു പെയ്ഡ് പോസ്റ്റിന് റൊണാൾഡോയ്ക്ക് ലഭിക്കുന്നത് 11.9 കോടി രൂപയാണ്. കഴിഞ്ഞ വർഷം ഈ പട്ടികയിൽ മൂന്നാം സ്ഥാനക്കാരനായിരുന്നു റൊണാൾഡോ. ആദ്യമായാണ് ഒരു സ്പോർട്സ് താരം ഈ പട്ടികയിൽ ഒന്നാമതെത്തുന്നത്.

ഇന്ത്യയിൽ നിന്ന് ക്രിക്കറ്റ് താരം വിരാട് കോഹ്‌ലിയും ബോളിവുഡ് താരം പ്രിയങ്ക ചോപ്രയും പട്ടികയിൽ ഇടം നേടി. പട്ടികയിൽ പത്തൊമ്പതാമനായ കോഹ്‌ലിക്ക് ഒരു ഇൻസ്റ്റാഗ്രാം പോസ്റ്റിന് ലഭിക്കുന്ന പ്രതിഫലം അഞ്ച് കോടി രൂപയാണ്. കഴിഞ്ഞ തവണ 23-ാംസ്ഥാനത്തായിരുന്നു ഇന്ത്യൻ ക്യാപ്റ്റൻ വിരാട് കോഹ്ലി.

Read Also:- ഇന്ത്യ വൈകാതെ തന്നെ ഐസിസി കിരീടം നേടും: ആർ അശ്വിൻ

27-ാംസ്ഥാനത്തുള്ള പ്രിയങ്ക ചോപ്രയ്ക്ക് ലഭിക്കുന്നത് മൂന്ന് കോടിയോളം രൂപയാണ്. ഫുട്ബോൾ താരം ലയണൽ മെസ്സി പട്ടികയിൽ ഏഴാം സ്ഥാനത്താണ്. 8.21 കോടി രൂപയാണ് മെസ്സിക്ക് ഓരോ പെയ്ഡ് പോസ്റ്റിനും ലഭിക്കുന്നത്. ഹോളിവുഡ് നടനും ഡബ്ല്യൂ ഡബ്ല്യൂ ഇ റെസ്ലിങ് താരം ദി റോക്ക് അഥവാ ഡെയ്ൻ ജോൺസനാണ് പട്ടികയിൽ രണ്ടാം സ്ഥാനത്ത്.