മരുന്നുകൾക്കും ആരോഗ്യ ഉപകരണങ്ങൾക്കും നികുതി വെട്ടിക്കുറച്ച് കോവിഡ് പ്രതിരോധത്തിൽ കേന്ദ്രത്തിന്റെ മാതൃക

ന്യൂഡല്‍ഹി: കോവിഡ് പ്രതിരോധത്തിൽ പുതിയ ചരിത്രം സൃഷ്ടിച്ച് കേന്ദ്രസർക്കാർ. കോവിഡ് ചികിത്സക്ക്​ ഉപയോഗിക്കുന്ന മരുന്നുകള്‍ക്കും ഉപകരണങ്ങള്‍ക്കും നികുതി വെട്ടിക്കുറച്ചു. ജി എസ് ടി കൗണ്‍സില്‍ യോഗമാണ്​ അടുത്ത സെപ്​റ്റംബര്‍ 30 വരെ നികുതി കുറക്കാന്‍ തീരുമാനമെടുത്തത് .കോവിഡ്​ വാക്​സിന്​ അഞ്ചു ശതമാനം നികുതി നിലനിര്‍ത്തിയിട്ടുണ്ട്​. സാധാരക്കാരായ മനുഷ്യർക്ക് വലിയ തോതിലുള്ള ബാധ്യതകളാണ് കോവിഡ് 19 സൃഷ്ടിക്കുന്നത്.

Also Read:കോവിഡ് ബാധയില്‍നിന്നും രക്ഷ നേടാന്‍ ‘കൊറോണ മാതാ’ ക്ഷേത്രം സ്ഥാപിച്ച്‌ ഒരു ഗ്രാമം

ബ്ലാക്​ ഫംഗസ്​ ചികിത്സക്ക്​ ഉപയോഗിക്കുന്ന ​ടോസിലിസുമാബ്​, ആംഫോടെറിസിന്‍ ബി എന്നിവയുടെ നികുതി പൂർണ്ണമായും നീക്കിയിട്ടുണ്ട്.
ഇലക്​ട്രിക്​ ഫര്‍ണസുകള്‍, ശാരീ​രീകോഷ്​മാവ്​ അളക്കുന്ന ഉപകരണം എന്നിവയുടെ നികുതിയും കുറച്ചിട്ടുണ്ട്​. ആംബുലന്‍സിന്​ 12 ശതമാനമാകും ഇനി നികുതി. ആര്‍.ടി-പി.സി.ആര്‍ പരിശോധന ​മെഷീന്‍, ആര്‍.എന്‍.എ എക്​സ്​ട്രാക്​ഷന്‍ മെഷീന്‍, ജിനോം സീക്വന്‍സിങ്​ മെഷീന്‍ അടക്കം നിലവില്‍ 18 ശതമാനം നികുതി ഈടാക്കുന്ന വസ്​തുക്കള്‍ക്ക്​ കുറവൊന്നും വരുത്തില്ല. ജിനോം സീക്വന്‍സിങ്​ കിറ്റുകള്‍ക്ക്​ 12 ശതമാനം നികുതിയുള്ളത്​ തുടരും.

കോവിഡ്​ പരിശോധന കിറ്റുകള്‍ക്കാവശ്യമായ അസംസ്​കൃത വസ്​തുക്കള്‍ക്കുള്ള നികുതി കുറക്കില്ല. റെംഡെസിവിര്‍ , ഹെപാരിന്‍, എന്നി മരുന്നുകള്‍ക്ക് ​ 12 ശതമാനം നികുതിയായിരുന്നത്​ അഞ്ചാക്കി ചുരുക്കിയിട്ടുണ്ട്. അതെ സമയം ഓക്സിജന്‍ കോണ്‍സന്‍ട്രേറ്റര്‍,വെന്‍റിലേറ്റര്‍ മാസ്​കുകള്‍, മെഡിക്കല്‍ ഗ്രേഡ്​ ഓക്​സിജന്‍, ജനറേറ്റര്‍, വെന്‍റിലേറ്റര്‍, ബിപാപ്​ മെഷീന്‍, ഹൈ​​ഫ്ലോ നാസല്‍ കാനുല ഡിവൈസ്​ എന്നിവക്കുള്‍പെടെ ഇനി അഞ്ചു ശതമാനമാകും നികുതിയെന്നും കേന്ദ്രമന്ത്രാലയം അറിയിച്ചു.