തിരുവനന്തപുരം: സംസ്ഥാനത്ത് ശനി, ഞായർ ദിവസങ്ങളിൽ കർശന നിയന്ത്രണങ്ങൾ. ഈ ദിവസങ്ങളിലെ നിയന്ത്രണങ്ങൾ സംബന്ധിച്ച് സർക്കാർ മാർഗ നിർദ്ദേശങ്ങൾ പുറത്തിറക്കി. ശനിയും ഞായറും ഹോട്ടലുകളിൽ പാഴ്സൽ, ടേക്ക് എവേ സർവീസുകൾ അനുവദിക്കില്ല. ഹോം ഡെലിവറിയ്ക്ക് മാത്രമായിരിക്കും അനുവാദം ഉണ്ടാകുക.
നിർമാണ പ്രവർത്തനങ്ങൾ കർശന നിയന്ത്രണങ്ങളോടെ അനുവദിക്കും.എന്നാൽ പ്രവർത്തനങ്ങൾ അടുത്തുള്ള പോലീസ് സ്റ്റേഷനിൽ അറിയിക്കണമെന്ന നിബന്ധനയുണ്ട്. വെള്ളിയാഴ്ച മൊബൈൽ ഫോൺ റിപ്പയർ ചെയ്യുന്ന കടകൾക്ക് തുറന്നു പ്രവർത്തിക്കാം.
രാവിലെ ഏഴ് മുതൽ വൈകിട്ട് ഏഴു വരെ അവശ്യ സേവനങ്ങൾ നൽകുന്ന കടകൾക്കൊപ്പം വസ്ത്രങ്ങൾ, സ്റ്റേഷനറി, ആഭരണം, കണ്ണടകൾ, ശ്രവണ സഹായികൾ, പാദരക്ഷകൾ, പുസ്തകങ്ങൾ, ഫർണിച്ചർ എന്നിവ വിപണനം ചെയ്യുന്ന കടകൾക്ക് വളരെ കുറച്ച് ജീവനക്കാരെ ഉപയോഗിച്ച് തുറന്ന് പ്രവർത്തിക്കാമെന്ന് സർക്കാർ നേരത്തെ വ്യക്തമാക്കിയിരുന്നു. വാഹന ഷോറൂമുകളിൽ സൂക്ഷിച്ചിട്ടുള്ള വാഹനങ്ങളുടെ അത്യാവശ്യ പരിപാലനത്തിനായി രാവിലെ 7 മുതൽ ഉച്ചയ്ക്ക് 2 വരെ പ്രവർത്തിക്കാനും അനുമതി നൽകിയിട്ടുണ്ട്.
Post Your Comments