തലസ്ഥാനത്ത് ഇന്ന് കോവിഡ് ബാധിച്ചവരുടെ കണക്കുകൾ

തിരുവനന്തപുരം; തലസ്ഥാനത്ത് ഇന്ന് 2,007 പേർക്കു കൂടി കോവിഡ് സ്ഥിരീകരിച്ചു. 2,507 പേർ രോഗമുക്തരായി. 13,597 പേരാണ് രോഗം ബാധിച്ച് ചികിത്സയിൽ കഴിയുന്നത്.
ഇന്ന് കോവിഡ് സ്ഥിരീകരിച്ചവരിൽ 1,845 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ 8 പേർ ആരോഗ്യ പ്രവർത്തകരാണ്.

തലസ്ഥാനത്ത് 16.6 ശതമാനമാണ് ടെസ്റ്റ് പോസിറ്റീവിറ്റി നിരക്ക്. ജില്ലയിൽ പുതുതായി 3,438 പേരെ കോവിഡ് നിരീക്ഷണത്തിലാക്കി. ഇതോടെ കോവിഡുമായി ബന്ധപ്പെട്ടു ജില്ലയിൽ നിരീക്ഷണത്തിലുള്ളവരുടെ ആകെ എണ്ണം 69,586 ആയി. ഇന്നലെവരെ നിരീക്ഷണത്തിലുണ്ടായിരുന്ന 6,756 പേർ നിരീക്ഷണകാലം പൂർത്തിയാക്കി.