ലക്നോ: ഉത്തര്‍പ്രദേശില്‍ കോവിഡ് ബാധിച്ച്‌ മരിച്ചയാളുടെ മൃതദേഹം നദിയിലേക്ക് വലിച്ചെറിഞ്ഞ സംഭവത്തില്‍ രണ്ട് പേര്‍ അറസ്റ്റില്‍. സഞ്ജയ് കുമാര്‍, മനോജ് കുമാര്‍ എന്നിവരാണ് അറസ്റ്റിലായത്. ആശുപത്രിയിൽ നിന്ന് മൃതദേഹം ഏറ്റുവാങ്ങിയ ബന്ധുക്കളാണ് ഇവർ. എന്നാൽ യഥാവിധി സംസ്കാരം നടത്താതെ ഈ ബന്ധുക്കള്‍ പ്രേംനാഥിന്‍റെ മൃതദേഹം പാലത്തില്‍ നിന്നും നദിയിലേക്ക് വലിച്ചെറിയുകയായിരുന്നു.
ഈ മാസം 25 ന് ആണ് കോവിഡ് ബാധിച്ച പ്രേംനാഥിനെ ആശുപത്രിയില്‍ പ്രവേശിപ്പിച്ചത്. 28 ആം തീയതി ഇദ്ദേഹം മരിച്ചു. കോവിഡ് നിബന്ധനകള്‍ പാലിച്ച്‌ ഇദ്ദേഹത്തിന്‍റെ മൃതദേഹം ബന്ധുക്കള്‍ക്ക് കൈമാറിയതായി ജില്ലാ ആരോഗ്യവകുപ്പ് അറിയിച്ചു. ഇതിന്‍റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലായതോടെയാണ് വിവാദമായത്.
പിപിഇ കിറ്റ് ധരിച്ചെത്തിയയാള്‍ മറ്റൊരാളുടെ സഹായത്തോടെ പാലത്തിനു മുകളില്‍ നിന്ന് മൃതദേഹം പുഴയിലേക്കെറിയുന്ന ദൃശ്യങ്ങളാണ് പ്രചരിച്ചത്. ബാല്‍റാംപൂര്‍ ജില്ലയിലെ റാപ്‌തി നദിയിലേക്കാണ് മൃതദേഹം വലിച്ചെറിഞ്ഞത്.
Post Your Comments