സംസ്ഥാനത്ത് ശക്തമായ കാറ്റിനു സാധ്യത; കടലിൽ പോകരുതെന്ന് ജാഗ്രത നിർദ്ദേശം

തിരുവനന്തപുരം; ഇന്ന് മുതൽ ജൂൺ ഒന്നു വരെ കേരളത്തിലും ലക്ഷദ്വീപിലും മണിക്കൂറിൽ 40 മുതൽ 50 കി.മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനു സാധ്യതയുള്ളതിനാൽ കേരള തീരത്ത് മത്സ്യത്തൊഴിലാളികൾ കടലിൽ പോകരുതെന്ന് സംസ്ഥാന ദുരന്ത നിവാരണ അതോറിറ്റി ജാഗ്രത നിർദ്ദേശം നൽകിയിരിക്കുന്നു.

ഇന്നും നാളെയും തെക്കുപടിഞ്ഞാറൻ – മധ്യ കിഴക്കൻ -തെക്കു കിഴക്കൻ അറബിക്കടലിലും കന്യാകുമാരി തീരത്തും തെക്കൻ ശ്രീലങ്കൻ തീരത്തും ജൂൺ ഒന്നു മുതൽ മൂന്നു വരെ തെക്കുപടിഞ്ഞാറൻ – വടക്കുപടിഞ്ഞാറൻ അറബിക്കടലിലും മണിക്കൂറിൽ 40 മുതൽ 50 കി.മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിക്കുകയുണ്ടായി. എന്നാൽ അതേസമയം ഈ സമുദ്ര മേഖലകളിൽ മത്സ്യബന്ധനത്തിനു പോകാൻ പാടില്ലായെന്ന് മുന്നറിയിപ്പ് നൽകിയിരിക്കുന്നു.

തെക്കൻ തമിഴ്നാട് തീരത്ത് (കൊളച്ചൽ മുതൽ ധനുഷ്‌കോടി വരെ) ഇന്ന് രാത്രി 11.30 വരെയുള്ള സമയത്ത് 2.5 മുതൽ 3.2 മീറ്റർ വരെ ഉയരത്തിൽ തിരമാലയ്ക്കും കടലാക്രമണത്തിനും സാധ്യതയുണ്ടെണ്ടെന്നു ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുള്ളതിനാൽ ഈ മേഖലയിലുള്ളവർ ജാഗ്രത പാലിക്കണമെന്നും അറിയിപ്പിൽ പറയുന്നു.