ബ്യൂണസ് ഐറിസ്: ഇംഗ്ലീഷ് ഭാഷയെ ലോകത്തോളമുയര്‍ത്തിയ മഹാനായ എഴുത്തുകാരന്‍ വില്യം ഷേക്സ്പിയര്‍ കോവിഡ് വാക്സിനെടുത്ത് മരിച്ചെന്ന വാർത്തയുമായി അര്‍ജന്‍റീന ടി.വി. കഴിഞ്ഞ വ്യാഴാഴ്ചയായിരുന്നു (മെയ്-27) രാജ്യം ഞെട്ടിയ വാര്‍ത്ത ബ്രേക് ചെയ്തത്. കോവിഡ് വാക്സിന്‍ സ്വീകരിച്ച്‌ അഞ്ചു മാസത്തിനു ശേഷമായിരുന്നു മരണം എന്നുകൂടി അവതാരകന്‍ പറഞ്ഞു.
”നമുക്കെല്ലാം അറിയുന്ന പോലെ അദ്ദേഹം ഇംഗ്ലീഷ് ഭാഷയിലെ ഏറ്റവും മഹാനായ എഴുത്തുകാരില്‍ ഒരാളായിരുന്നു- എനിക്ക് എന്റെ മാസ്റ്ററും. ആദ്യമായി കൊറോണ വാക്സിന്‍ സ്വീകരിച്ച ആളായിരുന്നു. 81ാം വയസ്സില്‍ ഇംഗ്ലണ്ടില്‍ അദ്ദേഹം വിടവാങ്ങി”- കനാല്‍ 26 എന്ന ടെലിവിഷന്‍ ചാനലിനാണ് അബദ്ധം പിണഞ്ഞത്. വാര്‍ത്ത അങ്ങാടിപ്പാട്ടായതോടെ നിരവധി പേരാണ് പരിഹാസവുമായി എത്തിയത്. വാര്‍വിക്ഷയര്‍ സ്വദേശിയായ 81 കാരന്‍ വില്യം ബില്‍ ഷേക്സ്പിയര്‍ ഫൈസര്‍ വാക്സിന്‍ സ്വീകരിച്ച്‌ ചരിത്രത്തിലെ ഇതു സ്വീകരിക്കുന്ന ആദ്യ പുരുഷനായിരുന്നു. കഴിഞ്ഞ ദിവസം അദ്ദേഹം മരിച്ച വാര്‍ത്ത നല്‍കുമ്പോഴാണ് 1616ല്‍ വിടവാങ്ങിയ ഇതിഹാസ പുരുഷനുമായി മാറിയത്. ”ഇത്രയും മഹാനായ മനുഷ്യന്റെ വിടവാങ്ങല്‍ നമ്മെ ഏവരെയും ഞെട്ടിക്കുന്നും കൂടുതല്‍ വിശദാംശങ്ങള്‍ പിന്നീട് അറിയിക്കുമെന്നു’ കൂടി അവര്‍ പറഞ്ഞുകളഞ്ഞു.
Post Your Comments