ഇറ്റാലിയൻ ഓപ്പൺ ടെന്നീസ്: റാഫേൽ നദാൽ സെമിയിൽ

ഇറ്റാലിയൻ ഓപ്പൺ ടെന്നീസിന്റെ സെമി ഫൈനൽ ബർത്തുറപ്പിച്ച് സ്പാനിഷ് സൂപ്പർ താരം റാഫേൽ നദാൽ. ജർമനിയുടെ അലക്‌സാണ്ടർ സ്വെരേവിനെ ക്വാർട്ടർ ഫൈനലിൽ പരാജയപ്പെടുത്തിയാണ് നദാലിന്റെ സെമി പ്രവേശനം. നേരിട്ടുള്ള സെറ്റുകൾക്കാണ് നദാലിന്റെ വിജയം. സ്കോർ 3-6, 4-6.

അമേരിക്കയുടെ റെയ്‌ലി ഒപെൽക്കയാണ് സെമിയിൽ നദാലിന്റെ എതിരാളി. അർജന്റീനയുടെ ഫെഡറിക്കോ ഡെൽബോണിസിനെ പരാജയപ്പെടുത്തിയാണ് ഒപെൽക്ക സെമിയിൽ കടന്നത്. ഇന്നലെ നടക്കേണ്ടിരുന്ന ചില ക്വാർട്ടർ ഫൈനൽ മത്സരങ്ങൾ മഴമൂലം മാറ്റിയിരുന്നു. ആ മത്സരങ്ങൾ നടന്നതിന് ശേഷമേ ബാക്കിയുള്ള സെമി താരങ്ങൾ ആരൊക്കെയാണെന്ന് അറിയുകയുള്ളൂ.