തൃത്താല: തൃത്താല നിയമസഭ തെരഞ്ഞെടുപ്പിന്‍റെ ഫലം ഔദ്യോഗികമായി പുറത്ത് വരുന്നതിന് മുമ്പ് തോൽവി സമ്മതിച്ച് യു.ഡി.എഫ് സ്ഥാനാർഥി വി.ടി ബൽറാം. തൃത്താലയുടെ ജനവിധി വിനിയപുരസ്സരം അംഗീകരിക്കുന്നുവെന്ന് വി.ടി ബൽറാം ഫേസ്ബുക്കിൽ കുറിച്ചു. പുതിയ കേരള സർക്കാറിന് അഭിവാദ്യങ്ങൾ നേരുന്നതായും ബൽറാം ഫേസ്ബുക്ക് പോസ്റ്റിൽ പറയുന്നു.
നിയമസഭ തെരഞ്ഞെടുപ്പിൽ കടുത്ത മത്സരം നടന്ന മണ്ഡലമായിരുന്നു തൃത്താല. ഇടതുപാരമ്പര്യമുള്ള തൃത്താല മണ്ഡലം പിടിച്ചെടുത്ത വി.ടി ബൽറാമിനെ തറപറ്റിക്കുകയെന്നത് സി.പി.എമ്മിനെ സംബന്ധിച്ചിടത്തോളം അഭിമാന പോരാട്ടമായിരുന്നു. രണ്ട് തവണ ബാൽറാമിനൊപ്പം നിന്ന ജനം ഇത്തവണ എം ബി രാജേഷിനൊപ്പമായിരുന്നു.
എ.കെ.ജിയെ കുറിച്ച് ബൽറാം നടത്തിയ പരാമർശങ്ങളും വിവാദമായിരുന്നു. വൈകാരികമായാണ് സി.പി.എം അണികൾ ബൽറാമിന്റെ എ.കെ.ജിക്കെതിരായ പരാമർശങ്ങളെ കണ്ടത്. ഇതെല്ലാം ബാൽറാമിന് തിരിച്ചടിയായെന്നാണ് കരുതുന്നത്.
Post Your Comments