കോവിഡ് ബാധിച്ച് സ്ത്രീ മരിച്ചു; ഡോക്ടർമാരെയും നഴ്സുമാരെയും ആക്രമിച്ച് ബന്ധുക്കൾ

ന്യൂഡൽഹി : കോവിഡ് ബാധിച്ച് 62 വയസ്സുള്ള സ്ത്രീ മരിച്ച സംഭവത്തിൽ ഡോക്ടർമാരെയും നഴ്സുമാരെയും ക്രൂരമായി മർദ്ദിച്ച് ബന്ധുക്കൾ. രോ​ഗിക്ക് കൃത്യസമയത്ത് കിടക്ക നൽകിയില്ലെന്ന് ആരോപിച്ചാണ് ഇവർ ഡൽഹി അപ്പോളോ ആശുപത്രി ജീവനക്കാരെ ആക്രമിച്ചത്. ഇതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ ഇപ്പോൾ വ്യാപകമായി പ്രചരിക്കുന്നുണ്ട്.

ചൊവ്വാഴ്ച രാവിലെയാണ് രോ​ഗി മരിച്ചത്. ആശുപത്രിയിലെ ഫർണിച്ചർ ഉൾപ്പെടെയുള്ള വസ്തുക്കൾ നശിപ്പിച്ചു. ആക്രമണത്തില്‍ ആശുപത്രിയുടെ തറയിൽ രക്തം തെറിച്ചിരിക്കുന്നതും തകർന്ന വസ്തുക്കൾ ചിതറിക്കിടക്കുന്നതും വീഡിയോയിൽ കാണാം. ഒപ്പം രണ്ടുപേർ ആശുപത്രി ജീവനക്കാരെ വടി കൊണ്ട് അടിക്കുകയും ചെയ്യുന്നുണ്ട്.

Read Also  : ഗോവയിൽ ലോക്ക് ഡൗൺ; നിയന്ത്രണങ്ങൾ ഇങ്ങനെ

സംഭവത്തിൽ ഡോക്ടർമാർ, ജീവനക്കാർ, സുരക്ഷാ ഉദ്യോ​ഗസ്ഥർ എന്നിവരുൾപ്പെടെ എട്ട് പേർക്ക് പരിക്കേറ്റു. അതേസമയം, മഹാമാരിക്കാലത്ത് ഇത്രയധികം സേവനങ്ങൾ ജനങ്ങൾക്ക് നൽകുന്ന ആരോ​ഗ്യപ്രവർത്തകർക്കും ഡോക്ടർക്കുമെതിരെ രോ​ഗിയുടെ ബന്ധുക്കൾ നടത്തിയ ആക്രമണത്തിൽ വളരെയധികം ദുഖം തോന്നുന്നുവെന്ന് ആശുപത്രി വൃത്തങ്ങൾ പറഞ്ഞു.