ജ​യി​ലു​ക​ളി​ലും ആ​ശ​ങ്ക പ​ര​ത്തി കോ​വി​ഡ്​; ജാഗ്രതയില്‍ ജയില്‍ വകുപ്പ്

പാ​ല​ക്കാ​ട്​: സം​സ്ഥാ​ന​ത്ത് ജയിലുകളില്‍ കോവിഡ്​ വ്യാപനം അതിരൂക്ഷമായ സാഹചര്യത്തിൽ അതീവ ജാഗ്രതയിൽ ജയില്‍ വകുപ്പ്. കാ​ര്യ​മാ​യ സ​മ്പ​ര്‍​ക്ക​മി​ല്ലാ​ത്ത ത​ട​വു​കാ​രി​ല്‍ ചി​ല​ര്‍​ക്ക്​ കോ​വി​ഡ്​ ക​ണ്ടെ​ത്തി​യ​തോ​ടെ ക​ര്‍​ശ​ന നി​യ​ന്ത്ര​ണ​ങ്ങ​ള്‍​ക്കാ​ണ്​ അ​ധി​കൃ​ത​ര്‍ പ​ദ്ധ​തി​യി​ടു​ന്ന​ത്. ക​ഴി​ഞ്ഞ ദി​വ​സം എ​റ​ണാ​കു​ള​ത്ത്​ മാ​ത്രം ജ​യി​ല്‍ നി​വാ​സി​ക​ളി​ല്‍ 19 പേ​ര്‍​ക്ക്​ കോ​വി​ഡ്​ വൈ​റ​സ്​ ബാ​ധ സ്ഥി​രീ​ക​രി​ച്ചി​രു​ന്നു. ഇ​തേ​ത്തു​ട​ര്‍​ന്ന്​ ത​ട​വു​കാ​ര്‍​ക്കി​ട​യി​ല്‍ കോ​വി​ഡ്​ പ​രി​ശോ​ധ​ന ഉൗ​ര്‍​ജി​ത​മാ​ക്കി.

1800ല​ധി​കം ജ​യി​ല്‍ ജീ​വ​ന​ക്കാ​ര്‍ ഈ ​കാ​ല​യ​ള​വി​ല്‍ വാ​ക്​​സി​നേ​ഷ​ന്‍ പൂ​ര്‍​ത്തി​യാ​ക്കി​യ​താ​യി​ ഡി.ഐ.​ജി സ​ന്തോ​ഷ്​ മാ​ധ്യ​മങ്ങളോട് പ​റ​ഞ്ഞു. നി​ല​വി​ല്‍ ജ​യി​ലു​ക​ളി​ലെ സ്ഥി​തി​ഗ​തി​ക​ള്‍ നി​യ​ന്ത്ര​ണ​വി​ധേ​യ​മാ​ണെ​ന്നും പ​രി​ശോ​ധ​ന​ക​ള്‍ ഊർജിത​മാ​യി ന​ട​ത്തു​ന്ന​തോ​ടൊ​പ്പം ത​ട​വു​കാ​ര്‍​ക്ക്​ വാ​ക്​​സി​ന്‍ ല​ഭ്യ​മാ​ക്കു​ന്ന​ത്​ സം​ബ​ന്ധി​ച്ച്‌​ ന​ട​പ​ടി​ക​ള്‍ പു​രോ​ഗ​മി​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

Read Also: കോവിഡ് കൂട്ടപരിശോധനക്കെതിരെ കെജിഎംഒഎ; മുഖ്യമന്ത്രിക്ക് കത്തയച്ചു

കൊ​ല്ലം സ​ബ്​ ജ​യി​ലി​ല്‍ ആ​കെ​യു​ള്ള 140 ത​ട​വു​കാ​ര്‍​ക്ക്​ ഇ​തി​ന​കം വാ​ക്​​സി​നേ​ഷ​ന്‍ പൂ​ര്‍​ത്തി​യാ​ക്കി. കോ​വി​ഡ്​ വ്യാ​പ​ന​വു​മാ​യി ബ​ന്ധ​പ്പെ​ട്ട സ​ങ്കീ​ര്‍​ണ സാ​ഹ​ച​ര്യം പ​രി​ഗ​ണി​ച്ച്‌​ വി​ചാ​ര​ണ​ത്ത​ട​വു​കാ​ര​ട​ക്ക​മു​ള്ള​വ​രെ സ്വ​ന്തം ജാ​​മ്യ​ത്തി​ല്‍ വി​ടു​ന്ന​തി​നെ​ക്കു​റി​ച്ച്‌​ ഡി.​ജി.​പി ഹൈ​കോ​ട​തി​യെ അ​റി​യി​ച്ചി​ട്ടു​ണ്ട്. ക​ണ്ണൂ​ര്‍- ര​ണ്ട്, എ​റ​ണാ​കു​ളം- 19, പാ​ല​ക്കാ​ട്​ ജി​ല്ല ജ​യി​ല്‍- ര​ണ്ട്, തി​രു​വ​ന​ന്ത​പു​രം സെ​ന്‍​ട്ര​ല്‍ ജ​യി​ല്‍- ര​ണ്ട്, വി​യ്യൂ​ര്‍- മൂ​ന്ന്​ എ​ന്നി​ങ്ങ​നെ​യാ​ണ്​ നി​ല​വി​ല്‍ കോ​വി​ഡ്​ ബാ​ധി​ത​രു​ടെ എ​ണ്ണം.