വോട്ടർമാർക്ക് നേരെ കാട്ടുപന്നി ആക്രമണം ; നിരവധി പേർക്ക് പരിക്ക്

കോഴിക്കോട് : തുരുവമ്പാടി മണ്ഡലത്തിലെ കൊടിയത്തൂരിലണ് സംഭവം. കാട്ടുപന്നി ആക്രമണത്തിൽ വോട്ട് ചെയ്യാനെത്തിയ രണ്ട് പേർക്ക് പരിക്കേറ്റു.

ഇന്ന് രാവിലെയോടെയായിരുന്നു സംഭവം. തോട്ടുമുക്കം നൂറ്റിയമ്പത്താറാം ബൂത്തിൽ വോട്ട് ചെയ്യാനെത്തിയ വോട്ടർമാർക്കാണ് പരിക്കേറ്റത്. തോട്ടുമുക്കം കരിക്കാട് കുഞ്ഞി മാണി തോട്ടത്തിൽ, ഷിനോജ് തോട്ടത്തിൽ എന്നിവരെ പന്നി കടന്നാക്രമിക്കുകയായിരുന്നു. ആക്രമണത്തിൽ പരിക്കേറ്റ ഇവരെ അരീക്കോട് ആശുപത്രിയിൽ പ്രവേശിപ്പിച്ചു.