പ്രേക്ഷകർക്ക് ഏറ്റവും പ്രിയപ്പെട്ട നായികയാണ് നയൻ താര. ലേഡി സൂപ്പര്‍ സ്റ്റാര്‍ നയന്‍താരയും ബോയ് ഫ്രണ്ടായ സംവിധായകന്‍ വിഘ്നേശ് ശിവനുമായുള്ള വിവാഹ നിശ്ചയം ഔദ്യോഗികമായി കഴിഞ്ഞോയെന്ന അന്വേഷണത്തിലാണ് പാപ്പരാസികള്‍ ഇപ്പോള്‍.മോതിരമണിഞ്ഞ് തന്റെ നെഞ്ചില്‍ നയന്‍താര ഇടംകൈ ചേര്‍ത്ത് നില്‍ക്കുന്ന നയന്‍താരയുമൊത്തുള്ള ചിത്രം വിഘ്നേശ് ശിവന്‍ സമൂഹ മാദ്ധ്യമങ്ങളില്‍ പങ്കുവച്ചതാണ് ഇവരുടെ വിവാഹ നിശ്ചയം കഴിഞ്ഞുവെന്നുള്ള വാര്‍ത്ത പ്രചരിക്കാന്‍ കാരണം. രണ്ട് വര്‍ഷം മുന്‍പ് ഇരുവരുടെ വിവാഹ നിശ്ചയം രഹസ്യമായി കഴിഞ്ഞതാണെന്നും ഗോസിപ്പുകള്‍ പരക്കുന്നുണ്ട്.’വിരലിനോടൊപ്പം ജീവനും കൂടി കൊരുത്ത്…” എന്നാണ് പങ്കുവച്ച ചിത്രത്തിനൊപ്പം വിഘ്നേശ് ശിവന്‍ കുറിച്ചിരിക്കുന്നത്.നയന്‍താരയും വിഘ്നേശ് ശിവനും തങ്ങളുടെ പ്രണയജീവിതത്തിലെ മനോഹരചിത്രങ്ങള്‍ കഴിഞ്ഞ രണ്ട് വര്‍ഷമായി സമൂഹമാദ്ധ്യമങ്ങളില്‍ പങ്കുവയ്ക്കാറുണ്ട്. അതുകൊണ്ട് തന്നെ അവരുടെ ജീവിതത്തിന്റെ ഭംഗി എല്ലാ പ്രേക്ഷകരും അറിഞ്ഞിട്ടുമുണ്ട്.
Also Read:സംസ്ഥാനത്ത് തപാല്‍ വോട്ടെടുപ്പ് ഇന്ന് ആരംഭിക്കും ; പോളിങ് ഉദ്യോഗസ്ഥര്‍ വീട്ടിലെത്തും
കുറച്ചു കാലമായി ലിവിങ് ടുഗദര്‍ റിലേഷന്‍ഷിപ്പിലാണ് നയന്‍സും വിഘ്നേശ് ശിവനും.വിഘ്നേശ് ശിവന്‍ സംവിധാനം ചെയ്ത നാനും റൗഡി താന്‍ എന്ന ചിത്രത്തില്‍ നയന്‍താരയായിരുന്നു നായിക. ആ ചിത്രത്തിന്റെ സെറ്റില്‍ വച്ചാണ് ഇരുവരും പ്രണയബന്ധരായത്. റൗഡി പിക്ചേഴ്സ് എന്ന പേരില്‍ ഇരുവരും ചേര്‍ന്ന് പിന്നീട് ഒരു നിര്‍മ്മാണ – വിതരണ കമ്ബനി ആരംഭിച്ചു. ഈ ബാനറിന് വേണ്ടി വിഘ്നേശ് ശിവന്‍ സംവിധാനം ചെയ്യുന്ന കാറ്റ് വാക്കുല രണ്ട് കാതല്‍ എന്ന ചിത്രത്തിലാണ് നയന്‍താര ഇപ്പോള്‍ അഭിനയിക്കുന്നത്. വിജയ് സേതുപതി നായകനാകുന്ന ചിത്രത്തിലെ മറ്റൊരു നായിക സാമന്തയാണ്.
Post Your Comments