ഗാന്ധിനഗര്‍: നിയമസഭയിൽ ടീ ഷര്‍ട്ട് ധരിച്ച് എത്തിയ കോണ്‍ഗ്രസ് എം.എല്‍.എയെ സ്പീക്കര്‍ പുറത്താക്കി. ഗുജറാത്തിലാണ് സംഭവം. സോമനാഥ് മണ്ഡലത്തിലെ എം.എല്‍.എ വിമല്‍ ചുഡാസമയെയാണ് സ്പീക്കര്‍ രാജേന്ദ്ര തൃവേദി പുറത്താക്കിയത്. സഭയുടെ അന്തസിന് കളങ്കമുണ്ടാകാത്ത ഷര്‍ട്ടോ,കുര്‍ത്തയോ ധരിച്ച് വരാന്‍ ആവശ്യപ്പെട്ടുകൊണ്ടാണ് വിമലിനെ പുറത്താക്കിയത്.
സഭയില്‍ നിയമമൂലം നടപ്പാക്കിയ വസ്ത്രധാരണ രീതി ഇല്ലെന്നും, സ്പീക്കറുടെ പുറത്താക്കല്‍ നടപടി നിയമവിരുദ്ധമാണെന്ന ആരോപണവുമായി പ്രതിപക്ഷമായ കോണ്‍ഗ്രസ് രംഗത്തെത്തി. വിമലിനെതിരെയുള്ള നടപടി ഭരണാഘടനാ അവകാശ ലംഘനമാണെന്നും കോണ്‍ഗ്രസ് കുറ്റപ്പെടുത്തി.
ഒരാഴ്ച മുമ്ബ് ടീ ഷര്‍ട്ട് ധരിച്ചു വന്നപ്പോള്‍ വിമലിന് ഇനി ആവര്‍ത്തിക്കരുതെന്ന് താക്കീത് നല്‍കിയിരുന്നു.ഇത് കളിസ്ഥലമല്ല നിയമസഭയാണ്, എന്നാല്‍ വിമല്‍ വീണ്ടും ആവര്‍ത്തിച്ചത് കൊണ്ടാണ് പുറത്താക്കിയതെന്നും സഭയില്‍ അന്തസും മാന്യവുമായ വസ്ത്രധാരണം വേണമെന്നും സ്പീക്കര്‍ പ്രതികരിച്ചു
Post Your Comments