കമ്മ്യൂണിസ്റ്റ് പാർട്ടി നിയമസഭയിലെ ഏറ്റവും വലിയ ഒറ്റക്കക്ഷി; ഒന്നാം കേരള നിയമസഭയുടെ ചരിത്രം

കേരളം നിയമസഭാ തെരഞ്ഞെടുപ്പിന് ഒരുങ്ങുകയാണ്. ഏപ്രിൽ ആറിന് നടക്കുന്ന തെരഞ്ഞെടുപ്പിൽ ശക്തമായ പോരാട്ടത്തിന് രാഷ്ട്രീയ പാർട്ടികൾ കച്ചകെട്ടുമ്പോൾ അറിയാം കേരളത്തിന്റെ നിയമസഭാ ചരിത്രം.

1957 ഫെബ്രുവരി 28നാണു ഒന്നാം കേരള നിയമസഭയിലേക്കുള്ള പൊതു തിരഞ്ഞെടുപ്പ് നടന്നത്. 126 സീറ്റുകളിലായി നടന്ന തെരഞ്ഞെടുപ്പിൽ പതിനൊന്നെണ്ണം പട്ടികജാതി വിഭാഗത്തിനും ഒരെണ്ണം പട്ടികവർഗ്ഗ വിഭാഗത്തിനുമായി സംവരണം ചെയ്തിരുന്നു.

read also:വാട്സ്ആപ്പ് ഗ്രൂപ്പിലെ വിവാദസന്ദേശം, കൊറോണക്കാലത്തെ മകന്റെ വിവാഹം; വിവാദങ്ങളിൽ നിറഞ്ഞ നൂര്‍ബീന റഷീദ് സ്ഥാനാർഥിയാകുമ്പോൾ

114 നിയമസഭാ മണ്ഡലങ്ങളിലായി നടന്ന ഈ തിരഞ്ഞെടുപ്പിൽ പന്ത്രണ്ടിടത്ത് രണ്ട് സാമാജികരെ വീതം തിരഞ്ഞെടുക്കാവുന്ന രീതിയിലായിരുന്നു. സി.പി.ഐ, കോൺഗ്രസ്, പി.എസ്.പി, ആർ.എസ്.പി. എന്നീ കക്ഷികളായിരുന്നു പ്രധാനമായും മത്സരരംഗത്തുണ്ടായിരുന്നത്. ആകെ 550 പേർ നാമനിർദ്ദേശ പത്രിക നൽകിയപ്പോൾ 114എണ്ണം തിരസ്കരിച്ചു, ബാക്കി 406പേരാണ് നിയമസഭയിലേക്ക് മത്സരരംഗത്തുണ്ടായിരുന്നത്.

അന്ന് ആകെ വോട്ടർമാർ 7,514,626 പേരായിരുന്നു. ഇതിൽ 5,837,577 പേർ വോട്ട് ചെയ്തിരുന്നു(65.49%). 60 സീറ്റുകളിൽ വിജയിച്ച കമ്മ്യൂണിസ്റ്റ് പാർട്ടിയായിരുന്നു നിയമസഭയിലെ ഏറ്റവും വലിയ ഒറ്റക്കക്ഷി. മഞ്ചേശ്വരത്ത് സ്വതന്ത്രസ്ഥാനാർത്ഥിയായിരുന്ന എം. ഉമേഷ് റാവു എതിരില്ലാതെയാണ് തിരഞ്ഞെടുക്കപ്പെട്ടത്. ഡബ്ല്യൂ.എച്ച്. ഡിക്രൂസാണ് ഒന്നാം കേരള നിയമസഭയിലേക്ക് നാമനിർദ്ദേശം ചെയ്യപ്പെട്ട സാമാജികൻ.