സ്വർണവില ഒരു വർഷത്തെ ഏറ്റവും താഴ്ന്ന നിലയിൽ; പവന് വീണ്ടും വില കുറഞ്ഞു

തുടർച്ചയായി രണ്ടാം ദിവസവും സ്വർണ വിലയിൽ ഇടിവ്. ഇന്ന് 280 രൂപയാണ് സ്വർണത്തിന് കുറഞ്ഞിരിക്കുന്നത്. സ്വർണവില ഒരു വർഷത്തെ ഏറ്റവും താഴ്ന്ന നിലയിലെത്തിയിരിക്കുകയാണ്. ഇതോടെ ഒരു പവന്റെ വില ഗ്രാമിന് 4145 നിരക്കിൽ 33,160 രൂപയായി കുറഞ്ഞിരിക്കുകയാണ്.

Also Read:നേന്ത്രപ്പഴം കപ്പൽ വഴി ഇനി യൂറോപ്പിലേക്ക്; കയറ്റുമതി ചെയ്യാനൊരുങ്ങി പിണറായി സർക്കാർ

ഏപ്രിലിന് ശേഷമുള്ള ഏറ്റവും താഴ്ന്ന വിലയാണിത്. അഞ്ച് ദിവസമായി സ്വർണവിലയിൽ തുടർച്ചയായ കുറവാണ് കാണാൻ സാധിക്കുന്നത്. അഞ്ച് ദിവസത്തിനിടെ 1280 രൂപയാണ് സ്വർണത്തിന് കുറഞ്ഞിരിക്കുന്നത്. കഴിഞ്ഞ ദിവസവും സ്വർണത്തിന്റെ വില 520 രൂപ കുറഞ്ഞ് 33,440 ൽ എത്തിയിരുന്നു.

കേന്ദ്ര ബജറ്റിൽ സ്വർണത്തിന്റെ കസ്റ്റംസ് തീരുവ 12.5 ശതമാനത്തിൽ നിന്നും 7.50 ശതമാനമായാണ് കുറച്ചിരുന്നു. ഇതിന് പിന്നാലെയാണ് സ്വർണവിലയിൽ കുറവ് പ്രകടമായത്.