ഹോട്ട് ആൻഡ് ബ്യൂട്ടിഫുൾ സീനത്ത് അമൻ: അഭിനയ ജീവിതത്തിന്റെ അമ്പതാണ്ട്

അ​തു​വ​രെ​ ​നി​ല​നി​ന്നി​രു​ന്ന​ ​നാ​യി​കാ​സ​ങ്ക​ല്പ​ങ്ങളെ ​ഉ​ട​ച്ച് ​വാ​ർ​ത്ത് പ​തി​റ്റാ​ണ്ടു​ക​ളോളം ബോ​ളി​വു​ഡി​ന്റെ​ ​ആ​രാ​ധ​ക​ർ​ ​​ ആ​രാ​ധ​ന​യോ​ടെ​ ​നെ​ഞ്ചി​ലേ​റ്റയി​രുന്ന ​​താരമാണ് ​സീ​ന​ത്ത് ​അ​മ​ൻ. ​ബോ​ളി​വു​ഡി​ലെ​ ​പ​ഴ​മ​ക്കാ​ർക്കിടയിൽ ​ ​’ഹോ​ട്ടും​ ​ബ്യൂ​ട്ടി​ഫു​ൾ’ ആയ ​സീ​ന​ത്ത് ​അ​മ​ൻ മോഡേൺ​ ​വേ​ഷ​ങ്ങളും ​നാ​ട​ൻ​ ​വേ​ഷങ്ങളും ഒരേപോലെ കൈകാര്യം ചെയ്തിരുന്നു.

​ഹേ​മ​മാ​ലി​നി​ ​ഡ്രീം​ ​ഗേ​ളാ​യി​ ​ജ്വ​ലി​ച്ച് ​നി​ന്ന​ ​കാ​ല​ത്ത് ​പോ​ലും ബോ​ളി​വു​ഡി​ൽ​ ​ഏ​റ്റ​വും​ ​ഉ​യ​ർ​ന്ന​ ​പ്ര​തി​ഫ​ലം​ ​വാ​ങ്ങി​യി​രു​ന്ന​ ​നാ​യി​ക​യാ​യി​രു​ന്നു​ ​സീ​ന​ത്ത് ​അ​മ​ൻ. പ്ര​ശ​സ്തി​യു​ടെ​യും​ ​സ​മ്പ​ന്ന​ത​യു​ടെ​യും ഉന്നതിയിൽ നിൽക്കുന്ന സമയത്ത്, ​താരം ​ജ​ർ​മ്മ​നി​യി​ലേ​ക്ക് ​പോ​കാ​നൊ​രു​ങ്ങി.​ ​അ​വി​ടെ​യാ​യി​രു​ന്നു​ ​സീ​ന​ത്ത് ​അ​മ​ന്റെ​ ​അ​മ്മ​ ​​താ​മ​സി​ച്ചി​രു​ന്ന​ത്. പെ​ട്ടെ​ന്നൊ​രു​നാ​ൾ​ ​​ഇ​ന്ത്യ​ ​വി​ടാ​നു​ള്ള​ ​സീ​ന​ത്ത് ​അ​മ​ന്റെ​ ​തീ​രു​മാ​നത്തിന്റെ ഇടയിലേക്കാണ് ​സൂ​പ്പ​ർ​താ​രം​ ​ദേ​വാ​ന​ന്ദി​ന്റെ​ ​വ​ര​വ്.

ചുവന്ന തെരുവിൽ പടപൊരുതി കാമാത്തിപുരയുടെ റാണി ആയവൾ – ഗംഗുബായി, അവിശ്വസനീയമായ ജീവിതമിങ്ങനെ

‘​ബോ​ളി​വു​ഡി​ൽ​ ​ആ​കെ​യു​ള്ളൊ​രു​ ​ര​തി​ദേ​വ​ത​ ​​നാ​ടു​വി​ട്ടു​പോ​യാ​ൽ​ ​​​ഞ​ങ്ങ​ൾ​ക്കെ​ന്ത് ​നേ​രം​പോ​ക്കാ​ണി​വി​ടെ​?​” എന്ന ദേവാനന്ദിന്റെ ​ത​മാ​ശ​ ​മ​ട്ടി​ലു​ള്ള ചോ​ദ്യം​ ​കേ​ട്ട് ​സീ​ന​ത്ത് ​അ​മ​ൻ​ ​മ​ന​സ് ​മാ​റ്റി.​ ​ഒ​രു​വ​ർ​ഷം​കൂ​ടി​ ​ബോ​ളി​വു​ഡി​ൽ​ ​തു​ട​രാ​ൻ​ ​തീ​രു​മാ​നി​ച്ചു.​ എന്നാൽ ​ആ ഒരു വർഷം​​ ​നി​ർ​ണ്ണാ​യ​ക​മാ​യി​രു​ന്നു.​ ​ആ​ ​ഒ​റ്റ​വ​ർ​ഷം​ ​കൊ​ണ്ട് ​ബോ​ളി​വു​ഡി​ൽ​ ​നി​ന്ന് ​സീ​ന​ത്ത് ​അ​മ​ന് ​മാ​റി​നി​ൽ​ക്കാ​ൻ ​ക​ഴി​യാ​ത്ത​ ​വി​ധ​ത്തി​ൽ​ ​കാ​ര്യ​ങ്ങ​ൾ​ ​മാ​റി​മ​റി​ഞ്ഞു.

സീ​ന​ത്ത് ​അ​മ​ന്റെ​ ​ക​രി​യ​റി​ലെ ​ഏ​റ്റ​വും​ ​വി​വാ​ദം​ ​സൃ​ഷ്ടി​ച്ച​ ​ചി​ത്ര​മാ​യ​ ​’സ​ത്യം​ ​ശി​വം​ ​സു​ന്ദ​രം’​ ​റി​ലീ​സാ​യ​ത് ​ആ​ ​വ​ർ​ഷ​മാ​ണ്. ​’​ബോ​ൾ​ഡ്”​ ​എ​ന്ന് ​വി​ശേ​ഷി​പ്പി​ക്കാ​വു​ന്ന​ ചിത്രങ്ങളും, അത്​ സ്വീ​ക​രി​ക്കാൻ മനസുള്ള​ ​പ്രേ​ക്ഷ​ക​രും ഉണ്ടാകുന്നതിന് ​മു​ൻ​പ് പുറത്തുവന്ന ചിത്രമായിരുന്നു ​ ​സ​ത്യം​ ​ശി​വം​ ​സു​ന്ദ​രം.
ചിത്രത്തിലേക്കുള്ള ഓ​ഫ​ർ​ ​വ​ന്ന​പ്പോ​ൾ തന്നെ​ ​സീ​ന​ത്ത് ​അ​മ​ൻ​ ​ആ​വേ​ശ​ഭ​രി​ത​യാ​യി. ​​സ​ത്യം​ ​ശി​വം​ ​സു​ന്ദ​ര​ത്തി​ൽ​ ​ന​ന​ഞ്ഞൊ​ട്ടി​യ​ ​നേ​രി​യ​ ​മേ​ലാ​ട​യി​ലൂ​ടെ​ ​ദൃ​ശ്യ​മാ​കു​ന്ന​ ​സീ​ന​ത്ത് ​അ​മ​ന്റെ​ ശരീരം​ ​അ​ക്കാ​ല​ത്തെ ​യു​വാ​ക്ക​ളു​ടെ​ ​ഉ​റ​ക്കം​ ​കെ​ടു​ത്തി​. ചിത്രത്തിലെ ആ​ ​രം​ഗ​മു​യ​ർ​ത്തി​യ​​ ​വി​വാ​ദ​ങ്ങ​ൾ കെ​ട്ട​ട​ങ്ങാ​ൻ​ ​വ​ർ​ഷ​ങ്ങ​ളെ​ടു​ത്തു.

സി​നി​മയിലെ മിന്നും താരമാ​യി​രു​ന്നു​വെ​ങ്കി​ലും​ ​സീ​ന​ത്ത് ​അ​മ​ന്റെ​ ​സ്വ​കാ​ര്യ​ ​ജീ​വി​തം​ ​അ​ങ്ങ​നെ​യാ​യി​രു​ന്നി​ല്ല.​ ​പ​രാ​ജ​യ​പ്പെ​ട്ട​ ​വി​വാ​ഹ​ബ​ന്ധവും,​ ​ഗാ​ർ​ഹി​ക​ ​പീ​ഡ​നവുമായിരുന്നു, യ​ഥാ​ർ​ത്ഥ​ ​ജീ​വി​തം​ ​താരത്തിന് കാ​ത്തു​വ​ച്ചി​രു​ന്ന​ത്.​ ​പ​ക്ഷേ​ ​പ​രാ​ജ​യം​ ​സ​മ്മ​തി​ക്കാ​ൻ​ ​മ​ന​സി​ല്ലാ​ത്ത​ ​പോ​രാ​ളി​യാ​യി​രു​ന്നു​ ​സീ​ന​ത്ത് ​അ​മ​ൻ.​ സ്വന്തം പ്രശ്നങ്ങൾക്കിടയിലും മ​റ്റു​ള്ള​വ​രെ​ ​സ​ഹാ​യി​ക്കാ​നും,​ ​സ്നേ​ഹി​ക്കാ​നുമുള്ള ​ ​മ​ന​സ് ​സീ​ന​ത്ത് ​അ​മ​ന് എല്ലായ്‌പോഴും ഉണ്ടായിരുന്നു.

നിർത്തിയിട്ട കാറിൽ ആയുധങ്ങൾ സജ്ജമാക്കി, ഹർഷാദും അഷ്കറും ആയുധങ്ങൾ കൊലയാളി സംഘത്തിന് കൈമാറി

എ​ൺ​പ​തു​ക​ളു​ടെ​ ​അ​വ​സാ​നകാലത്ത് ​താരം​ ​മി​നി​സ്ക്രീ​നി​ലേ​ക്ക് ​ചു​വ​ട് ​മാ​റി.​ ​ആ​വാ​സ് ​എ​ന്ന​ ​ടെ​ലി​വി​ഷ​ൻ​ ​ഷോ​യു​ടെ​ ​അ​വ​താ​ര​ക​യാ​യി​രു​ന്നു​ ​അ​വ​ർ. ​ത​നി​ക്ക് ​ലഭിക്കാതെ പോയ ​സ​ഹാ​നു​ഭൂ​തി​യും, സ​ഹാ​യ​വും​​ ​ജീ​വി​ത​ത്തി​ൽ​ ​മ​റ്റൊ​രു​ ​സ്ത്രീ​ക്കും​ ​കി​ട്ടാ​തെ​ ​പോ​ക​രു​തെ​ന്ന​ ​സീ​ന​ത്ത് ​അ​മ​ന്റെ​ ​നി​ശ്ച​യ​ദാ​ർ​ഢ്യമായിരുന്നു ആ ടി.വി പരിപാടിക്ക് പിന്നിൽ.​ ​പല വിധ കാരണങ്ങളാൽ നിശ്ശബ്ദരാകേണ്ടി വന്ന ​​സ്ത്രീ​ക​ൾ​ക്ക് ​ശ​ബ്ദ​മു​യ​ർ​ത്താ​നു​ള്ള​ ​അ​വ​സ​രം​ ​ന​ൽ​കു​ന്ന​ ​ഷോ​യാ​യി​രു​ന്നു​ ​ആ​വാ​സ്.​ ​മ​റ്റു​ള്ള​വ​രു​ടെ​ ​സ​ങ്ക​ട​ങ്ങ​ൾ​ ​മാ​റ്റാ​ൻ​ ​സ​ഹാ​യി​ക്കു​ന്ന​താ​ണ് ​സ്വ​ന്തം​ ​സ​ങ്ക​ട​ങ്ങ​ൾ​ ​മാ​റ്റാ​നു​ള്ള​ ​ഏ​റ്റ​വും​ ​ന​ല്ല​വ​ഴി​​ എന്ന സ​ത്യം​ ​സീ​ന​ത്ത് ​അ​മ​ൻ​ ​തി​രി​ച്ച​റി​ഞ്ഞി​രു​ന്നു.

മി​സ് ​ഇ​ന്ത്യ​ ​പ​ട്ടം​ ​നേ​ടി​യി​ട്ടു​ള്ള​ ​സീ​ന​ത്ത് ​അ​മ​ൻ​ ​മോ​ഡ​ലിം​ഗി​ലൂ​ടെ​യാണ് തന്റെ കരിയറിന് തുടക്കമിട്ടത്.​ ​ദേ​വ് ​ആ​ന​ന്ദി​നൊ​പ്പം​ ​അ​ഭി​ന​യി​ച്ച​ ​ഹ​രേ​ ​രാ​മ​ ​ഹ​രേ​ ​കൃ​ഷ്ണ​യാ​ണ് നടി എന്ന നിലയിൽ വിജയിച്ച ആദ്യ ചിത്രം. വാ​റ​ണ്ട്,​ ​ധ​രം​ ​വീ​ർ,​ ​ഹം​ ​കി​സി​സേ​ ​കം​ ​ന​ഹീ​ൻ,​ ​സ​ത്യം​ ​ശി​വം​ ​സു​ന്ദ​രം,​ ​ഖു​ർ​ബാ​നി,​ ​പു​കാ​ർ, എന്നിങ്ങനെ​ ​സീ​ന​ത്ത് ​അ​മ​ന്റെ​ ​ശ്ര​ദ്ധേ​യ​ ​ചി​ത്ര​ങ്ങ​ൾ​ ​എ​ണ്ണി​യാ​ലൊ​ടു​ങ്ങി​ല്ല.​ ​മ​ല​യാ​ള​ത്തി​ൽ​ ​രാ​ജീ​വ് ​നാ​ഥ് ​സം​വി​ധാ​നം​ ​ചെ​യ്ത​ ​മോ​ക്ഷം​ ​എ​ന്ന​ ​ചി​ത്ര​ത്തി​ലും​ ​അ​ഭി​ന​യി​ച്ചി​ട്ടു​ണ്ട്.

ന​ട​ൻ​ ​സ​ഞ്ജ​യ് ​ഖാ​നെ​ ​വി​വാ​ഹം​ ​ക​ഴി​ച്ച സീ​ന​ത്ത് ​അധികം വൈകാതെ​ ​വി​വാ​ഹ​മോ​ചി​ത​യാ​യി. പി​ന്നാലെ ​ന​ട​ൻ​ ​മ​ഷാ​ർ ​ഖാ​നുമായി ദാമ്പത്യ ജീവിതം തുടങ്ങി.​ 1998​-​ൽ​ ​മ​ഷാ​ർ​ ​ഖാ​ന്റെ​ ​മ​ര​ണം​വ​രെ​ ​ആ​ ​ബ​ന്ധം​ ​നീ​ണ്ടു​നി​ന്നു.​ ​സം​വി​ധാ​യ​ക​നായ​ ​അ​സാ​ൻ​ ഖാ​ൻ,​ ​സം​ഗീ​ത​ ​സം​വി​ധാ​യ​ക​നായ ​സ​ഹാ​ൻ​ ​ഖാൻ എന്നിവരാണ് ഇവരുടെ മക്കൾ.