നരെയ്‌നും ജോജു ജോർജും ഒന്നിക്കുന്ന ബിഗ് ബഡ്ജറ്റ് ചിത്രം ഒരുങ്ങുന്നു

നരെയ്ൻ, ജോജു ജോർജ്, ഷറഫുദ്ദിൻ എന്നിവർ പ്രസ്‌ഥാന കഥാപാത്രങ്ങളാകുന്ന ചിത്രത്തിന്റെ പൂജ ചെന്നൈയിൽ നടന്നു. ജൂവിസ് പ്രൊഡക്ഷൻസ്, എ. എ. ആർ പ്രൊഡക്ഷൻസ്, യു.എൻ. ഫിലിം ഹൗസ് എന്നെ ബാനറുകൾ സംയുക്തമായി നിർമ്മിക്കുന്ന രണ്ട് ചിത്രങ്ങളിൽ ഒന്നാണ് ഈ മൾട്ടി സ്റ്റാർ ചിത്രം. രഞ്ജിൻ രാജാണ് ചിത്രത്തിന്റെ സംഗീത സംവിധാനം നിർവ്വഹിക്കുന്നത്.

സാക് ഹാരിസ് ആണ് ഈ ഡ്രാമ ത്രില്ലറിന്റെ സംവിധായകൻ. ആത്മീയ രാജൻ, കായൽ ആനന്ദി, ആണ് കൃതിവാസ് എന്നിവരാണ് ചിത്രത്തിലെ നായികമാർ. പ്രതപ് പോത്തൻ, ജോൺ വിജയ്, സീനിൽ സൈനുദ്ധീൻ, വിനോദിനി, അഞ്ജലി റാവു എന്നിങ്ങനെ തെന്നിന്ത്യയിലെ പ്രമുഖ താരങ്ങൾ ഈ ചിത്രത്തിൽ അണിനിരക്കുന്നു. ചിത്രത്തിന്റെ പേരും മറ്റ് വിവിയരങ്ങളും വരും ദിവസങ്ങളിൽ പങ്കു വെയ്ക്കുമെന്ന് അണിയറ പ്രവർത്തകർ പറഞ്ഞു.

ഇതേ ബാനറിൽ ഒരുങ്ങുന്ന തമിഴ് ചിത്രത്തിൽ നരെയ്‌നോട് ഒപ്പം കതിർ – ആനന്ദി ജോഡികൾ പ്രധാന വേഷം അവതരിപ്പിക്കുന്നു. പരിയേറും പെരുമാൾ എന്ന ശ്രദ്ധേയമായ ചിത്രത്തിലെ നായകനും നായികയുമാണ് കതിർ, ആനന്ദി എന്നിവർ.