കുവൈറ്റിൽ പ്രവേശന വിലക്ക് നീക്കി

കുവൈറ്റ് സിറ്റി: പ്രവാസികൾക്ക് ഏർപ്പെടുത്തിയ താല്ക്കാലിക പ്രവേശന വിലക്ക് നീക്കാൻ കുവൈറ്റിൽ തീരുമാനമായി. ഈ മാസം 21 ഞായറാഴ്ച മുതൽ പ്രവാസികൾക്ക് കുവൈറ്റിലേയ്ക്ക് പ്രവേശനമുണ്ടാകും. ഒരു ദിവസം ആയിരം യാത്രക്കാർ എന്ന കണക്കിൽ മാത്രമായിരിക്കും പ്രവേശനമെന്ന് അധികൃതര് അറിയിച്ചു.

അതിതീവ്ര ശേഷിയുള്ള കോവിഡ് കേസുകൾ റിപ്പോർട്ട് ചെയ്തതിനെ തുടർന്ന് രാജ്യത്തേയ്ക്ക് വരുന്ന യാത്രക്കാരുടെ എണ്ണം ആയിരമായി കുവൈറ്റ് പരിമിതപ്പെടുത്തിയിട്ടുണ്ട്. ഈ നില തൽക്കാലം തുടരാനാണ് തീരുമാനം.

എന്നാൽ ഇന്ത്യ ഉൾപ്പെടെയുള്ള 35 രാജ്യങ്ങളിൽ നിന്നുള്ളവർക്ക് ഏർപ്പെടുത്തിയ യാത്രാ നിരോധനം തുടരും. ഈ രാജ്യങ്ങളിൽ നിന്നും കുവൈറ്റിലേയ്ക്ക് വരാൻ ആഗ്രഹിക്കുന്ന പ്രവാസികൾ നേരിട്ട് യാത്രാ വിലക്കില്ലാത്ത യുഎഇ ഉൾപ്പെടെയുള്ള രാജ്യങ്ങളിൽ 14 ദിവസം നിർബന്ധിത ക്വാറൻറ്റൈനിൽ കഴിയണം.

രാജ്യത്ത് എത്തുന്ന എല്ലാ യാത്രക്കാരും സ്വന്തം ചെലവിൽ 7 ദിവസത്തെ ഹോട്ടൽ ക്വാറൻറ്റൈനിൽ കഴിയണം. അതിനുശേഷം ഏഴു ദിവസത്തെ ഗാർഹിക ക്വാറൻറ്റൈനും നിർബന്ധമാണ്.

shortlink

Feb 17, 2021, 10:22 pm IST