അരിസോണ: പ്രണയ ദിനത്തിൽ ഒരുമിച്ചു യാത്രപോകാൻ ക്ഷണിച്ചത് നിരസിച്ച മുന്‍ കാമുകിയെ തട്ടിക്കൊണ്ടുപോയ യുവാവ് അറസ്റ്റിൽ. 20 കാരനായ ഇസായ് കസ്പാര്‍ഡ് എന്ന യുവാവാണ് അറസ്റ്റിലായത്. യു.എസിലെ അരിസോണയിലാണ് സംഭവം.
ഫെബ്രുവരി 14ന് തനിക്കൊപ്പമുള്ള യാത്രയ്ക്ക് മുൻ കാമുകിയെ യുവാവ് നിര്‍ബന്ധിച്ചിരുന്നു. ഇത് വിസമ്മതിച്ചതിന്റെ പേരിലാണ് രണ്ടു കുട്ടികളുടെ മാതാവ് കൂടിയായ യുവതിയെ തട്ടിക്കൊണ്ടു പോകാൻ യുവാവ് ശ്രമിച്ചത്. ഫെബ്രുവരി 10ന് യുവതിയെ ആക്രമിച്ചതിന്‍റെ പേരില്‍ യുവാവ് അറസ്റ്റിലായിരുന്നു. പൊലീസ് പിന്നീട് ഇയാളെ വിട്ടയച്ചു.ഇതിനു ശേഷം യുവതിയുടെ വീട്ടില്‍ വീണ്ടും എത്തിയാണ് യുവാവിന്റെ പരാക്രമം.
കൂടെ ചെല്ലാൻ വിസമ്മതിച്ച യുവതിയെ മര്‍ദ്ദിക്കുകയുംബലം പ്രയോഗിച്ചു കാറില്‍ കയറ്റികൊണ്ടുപോകുകയും ചെയ്തു. തുടര്‍ന്ന് അയല്‍വാസികള്‍ പൊലീസില്‍ വിവരം അറിയിക്കുകയായിരുന്നു. പിടിയിലായ യുവാവ് ഇപ്പോള്‍ ജയിലിലാണ്.
Post Your Comments