തിരുവനന്തപുരം: കൊവിഡ് വാക്സിനേഷന് രജിസ്റ്റര്‍ ചെയ്തവര്‍ക്ക് വരുന്നതിന് അസൗകര്യമുണ്ടെങ്കില്‍ അതറിയിക്കാതിരുന്നാല്‍ അവസരം നഷ്ടമാകും. കൊവിഡ് വാക്സിന്‍ സ്വീകരിക്കുന്നതിന് കോവിന്‍ ആപ്പില്‍ രജിസ്റ്റര്‍ ചെയ്തിട്ടുള്ളവര്‍ വാക്സിനെടുക്കുന്നതിനുള്ള തീയതി, സ്ഥലം എന്നിവയടങ്ങുന്ന മൊബൈല്‍ സന്ദേശത്തിനനുസരിച്ച്‌ വാക്സിനേഷന് കേന്ദ്രത്തില്‍ എത്തിച്ചേരണം.
Read Also : അപേക്ഷകര്‍ക്ക് ഇനി സ്വയം റേഷൻകാർഡ് പ്രിന്റ് എടുക്കാം
ചിലര്‍ അന്നേ ദിവസം എത്താത്തതു കാരണം മറ്റുള്ള ആരോഗ്യപ്രവര്‍ത്തകരുടെ അവസരം കൂടി നഷ്ടമാകുന്നതായി കണ്ടെത്തിയിട്ടുണ്ട്. അന്നേ ദിവസം കുത്തിവയ്പ്പ് എടുക്കുന്നതിന് ഏതെങ്കിലും അസൗകര്യമുണ്ടെങ്കില്‍ ആ വിവരം വാക്സിനേഷന് കേന്ദ്രത്തില്‍ മുന്‍കൂട്ടി അറിയിക്കണം. വാക്സിന്‍ ലഭിക്കാനുള്ള അവസരം വൈകുന്നതിനുള്ള സാധ്യത ഒഴിവാക്കുാനായി മൊബൈലില്‍ സന്ദേശം ലഭിച്ച ദിവസം തന്നെ വാക്സിന്‍ കേന്ദ്രത്തില്‍ എത്തണം.
രണ്ടാംഘട്ട കൊവിഡ് വാക്സിനേഷന് തുടങ്ങേണ്ട സമയം അടുത്തതിനാല്‍ ആരോഗ്യ പ്രവര്‍ത്തകര്‍ക്കുള്ള വാക്സിനേഷന് വേഗത്തിലാക്കാന്‍ ആരോഗ്യ മന്ത്രി കെ.കെ. ശൈലജ നിര്‍ദേശം നല്‍കി. ആദ്യഘട്ടത്തില്‍ സര്‍ക്കാര്‍ സ്വകാര്യ മേഖലയിലെ ആരോഗ്യ പ്രവര്‍ത്തകര്‍, ആശ, അങ്കണവാടി പ്രവര്‍ത്തകര്‍ എന്നിവരടക്കം മുഴുവന്‍ ആരോഗ്യ പ്രവര്‍ത്തകര്‍ക്കാണ് കൊവിഡ് പ്രതിരോധ കുത്തിവയ്പ്പ് നല്‍കുന്നത്.
Post Your Comments