റിയാദ്: സൗദിയിൽ പുതിയ കോവിഡ് ബാധിതരുടെ എണ്ണം വീണ്ടും ഉയർന്നിരിക്കുന്നു. 327 പേർക്കാണ് വെള്ളിയാഴ്ച രോഗ ബാധ റിപ്പോർട്ട് ചെയ്തിരിക്കുന്നത്. പുതിയ രോഗികളിൽ കൂടുതലും റിയാദിലാണ് ഉള്ളത്. രോഗമുക്തി നേടിയവരുടെ എണ്ണത്തിൽ കുറവുമുണ്ട്. 257 പേർ മാത്രമാണ് കഴിഞ്ഞ 24 മണിക്കൂറിനിടെ രോഗമുക്തി നേടിയത്. രാജ്യത്ത് വിവിധയിടങ്ങളിലായി നാല് മരണങ്ങളും റിപ്പോർട്ട് ചെയ്തു.
ഇതോടെ രാജ്യത്ത് റിപ്പോർട്ട് ചെയ്ത കോവിഡ് കേസുകളുടെ ആകെ എണ്ണം 369575 ഉം രോഗമുക്തരുടെ എണ്ണം 360954 ഉം ആയി ഉയർന്നു. ആകെ മരണസംഖ്യ 6393 ആയി ഉയർന്നു. അസുഖ ബാധിതരായി ചികിത്സയിൽ കഴിയുന്നവരുടെ എണ്ണം 2228 ആയി കുറഞ്ഞിരിക്കുകയാണ്.
ഇതിൽ ഗുരുതരാവസ്ഥയിലുള്ളവരുടെ എണ്ണം 385 ആണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു.
Post Your Comments