സൗദിയിൽ ഇന്ന് 255 പേർക്ക്​ കോവിഡ്

റിയാദ്​: സൗദിയിൽ ഇന്ന് ​ 255 പേർക്ക്​ കൂടി പുതുതായി കൊറോണ വൈറസ് രോഗം​ സ്ഥിരീകരിച്ചു. 266 പേർ രോഗമുക്തി നേടിയിരിക്കുന്നു. രാജ്യത്ത്​ വിവിധയിടങ്ങളിലായി നാല്​ മരണങ്ങൾ റിപ്പോർട്ട്​ ചെയ്തിരിക്കുന്നു. ഇതോടെ രാജ്യത്ത്​ റിപ്പോർട്ട്​ ചെയ്​ത കോവിഡ്​ കേസുകളുടെ ആകെ എണ്ണം 368329 ഉം രോഗമുക്തരുടെ എണ്ണം 359839 ഉം ആയി ഉയർന്നു. ആകെ മരണസംഖ്യ 6379 ആയി ഉയർന്നു.

രോഗ ബാധിതരായി ചികിത്സയിൽ കഴിയുന്നവരുടെ എണ്ണം 2111 ആയി കുറഞ്ഞു. ഇതിൽ ഗുരുതരാവസ്ഥയിലുള്ളവരുടെ എണ്ണം 371 ആണ്​​​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ് ഉള്ളത്​. ബാക്കിയുള്ളവരുടെ ആരോഗ്യസ്ഥിതി തൃപ്​തികരമാണ്​. രാജ്യത്തെ കോവിഡ്​ മുക്തി നിരക്ക്​ 97.7 ശതമാനവും മരണനിരക്ക്​ 1.7 ശതമാനവുമായി തുടരുന്നു​.