ബീജിങ്: അമേരിക്കൻ പ്രസിഡന്‍റ് ജോ ബൈഡന് മുന്നറിയിപ്പുമായി ചൈനീസ് പ്രസിഡന്‍റ് ഷീ ജിങ് പിങ്. ട്രംപ് പിന്തുടര്‍ന്ന നയങ്ങളുമായി മുന്നോട്ട് പോവുകയാണെങ്കില്‍ വീണ്ടുമൊരു ശീതയുദ്ധമുണ്ടാവുമെന്ന് ഷീ ജിങ്പിങ് പറഞ്ഞു. യു.എസ് വിപണി സംരക്ഷിക്കാന്‍ ട്രംപ് നടത്തിയ ഇടപെടലുകള്‍ക്കാണ് ഷീയുടെ വിമര്‍ശനം.
എന്നാൽ ലോക സാമ്പത്തിക ഫോറം സംഘടിപ്പിച്ച പരിപാടിയില്‍ സംസാരിക്കുമ്പോഴാണ് ഷീ ജിങ്പിങ്ങിന്‍റെ പരാമര്‍ശം. കോവിഡ് സൃഷ്ടിച്ച പ്രതിസന്ധി മറികടക്കാന്‍ എല്ലാ രാജ്യങ്ങളും ഒരുമിച്ച്‌ നിന്ന് പ്രവര്‍ത്തിക്കണം. കോവിഡിനെ ആഗോളവല്‍ക്കരണത്തെ സ്വന്തം നേട്ടങ്ങള്‍ക്ക് മാത്രമായി ഉപയോഗിക്കാനുള്ള പ്രവണതയായി മാറ്റരുതെന്ന് ഷീ പറഞ്ഞു. പുതിയ ശീതയുദ്ധം തുടങ്ങി ചിലര്‍ മറ്റ് രാജ്യങ്ങള്‍ക്ക് ഭീഷണിയാവുന്നത് അംഗീകരിക്കാനാവില്ല.
ഉല്‍പന്നങ്ങളുടെ വിതരണശൃഖല തകര്‍ക്കരുതെന്നും അത് നിങ്ങളെ ഒറ്റപ്പെടുത്തുക മാത്രമേ ചെയ്യുകയുള്ളുവെന്നും അമേരിക്കയുടെ പേരെടുത്ത് പറയാതെ ഷീ ജിങ്പിങ് പറഞ്ഞു. ലോകത്തിന്‍റെ പ്രശനങ്ങള്‍ ഒരു രാജ്യത്തിന് മാത്രമായി പരിഹരിക്കാനാവില്ല. അതിന് എല്ലാ രാജ്യങ്ങളുടെയും സഹകരണം വേണമെന്നും അദ്ദേഹം കൂട്ടിച്ചേര്‍ത്തു.
Post Your Comments