സൗദിയിൽ ഇന്ന് 117 പേർക്ക് കോവിഡ് ​

റിയാദ്​: സൗദിയിൽ നിലവിൽ കൊറോണ വൈറസ് രോഗ​ ബാധിതരായി അവശേഷിക്കുന്നവരുടെ എണ്ണം രണ്ടായിരത്തിൽ താഴെയായിരിക്കുന്നു. ആരോഗ്യമന്ത്രാലയം പുറത്തുവിട്ട പുതിയ കണക്ക്​ പ്രകാരം രോഗം ബാധിച്ച്​ ചികിത്സയിലുള്ളത്​ 1970 പേരാണ്​.

എന്നാൽ അതേസമയം പുതുതായി 117 കോവിഡ്​ കേസുകൾ കൂടി രാജ്യത്ത്​ റിപ്പോർട്ട്​ ചെയ്തിരിക്കുന്നു. അഞ്ച്​​ മരണവും രാജ്യത്ത്​ വിവിധ ഭാഗങ്ങളിലായി റിപോർട്ട്​ ചെയ്​തു. 166 രോഗബാധിതർ സുഖം പ്രാപിച്ചു. ഇതോടെ രാജ്യത്ത്​ റിപ്പോർട്ട്​ ചെയ്​ത കോവിഡ്​ കേസുകളുടെ ആകെ എണ്ണം 363809 ഉം രോഗമുക്തരുടെ എണ്ണം 355548 ഉം ആയി. മരണസംഖ്യ 6291 ആയി ഉയർന്നു.

രോഗ ബാധിതരായി രാജ്യത്ത്​ ബാക്കിയുള്ള 1970 പേരിൽ 309 പേർ മാത്രമാണ്​ ഗുരുതരാവസ്ഥയിലുള്ളത്​. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ ആരോഗ്യസ്ഥിതി തൃപ്​തികരമാണ്​. രാജ്യത്തെ കോവിഡ്​ മുക്തി നിരക്ക്​ 97.7 ശതമാനമായി. മരണനിരക്ക്​ 1.7 ശതമാനമായി​.