‘ജേക്കബ് തോമസിന്റെ ഗതി കണ്ടില്ലേ? നീ ജീവനോടെ പോകില്ല’; കെ കുഞ്ഞിരാമൻ ഭീഷണിപ്പെടുത്തിയതായി തെരഞ്ഞെടുപ്പ് ഓഫീസർ

ഇക്കഴിഞ്ഞ തദ്ദേശ തെരഞ്ഞെടുപ്പിൽ ബേക്കൽ കോട്ടയ്ക്ക് അടുത്തുള്ള ആലക്കോട് പോളിംഗ് ബൂത്തിൽ വെച്ച് സി പി എം പ്രവർത്തകരിൽ നിന്നുമുണ്ടായ ദുരനുഭവം പങ്കുവെച്ച് തെരഞ്ഞെടുപ്പ് ഓഫീസർ ഡോ. കെ എം ശ്രീകുമാർ. കള്ളവോട്ട് തടഞ്ഞയാൻ ശ്രമിച്ച തനിക്ക് നേരെ ഉദുമ എംഎൽഎ കെ കുഞ്ഞിരാമൻ അടക്കമുള്ളവർ കൊല്ലുമെന്ന് ഭീഷണിപ്പെടുത്തിയതായി ശ്രീകുമാർ ഫേസ്ബുക്കിൽ പങ്കുവെച്ച കുറിപ്പിൽ പറയുന്നു. പോസ്റ്റ് ഇങ്ങനെ:

‘പണം വെട്ടിക്കൽ മാത്രമാണോ അഴിമതി ? ജനഹിതത്തെ അട്ടിമറിക്കലും അഴിമതി അല്ലേ ? ഒരു വോട്ടറുടെ വോട്ട് ചെയ്യാനുള്ള അവകാശം കവർന്നെടുക്കൽ അഴിമതി അല്ലേ? തങ്ങളുടെ ഒരു അനുയായി ഒന്നിലധികം തവണ വോട്ട് ചെയ്യുന്നത് ക്രമക്കേട് അല്ലേ ? അതിനെ പ്രോത്സാഹിപ്പിക്കുന്നത് അഴിമതി അല്ലേ ? അങ്ങനെ നേടുന്ന വിജയങ്ങൾ യഥാർത്ഥത്തിൽ പരാജയങ്ങൾ അല്ലേ? പിലാത്തറയിൽ സംഭവിച്ചതുപോലെ കള്ളവോട്ട് പിടിക്കപ്പെട്ടു നാറണമോ അതോ മാറണമോ എന്ന് ചിന്തിക്കാൻ സമയമായി. മാറാൻ മടിക്കുന്നവർ ഒന്നോർക്കുക. ലോകം കൂടുതൽ സുതാര്യം ആവുകയാണ്, ജനങ്ങളുടെ മൂല്യബോധം കൂടുതൽ ശക്തിപ്പെടുകയാണ്. സാങ്കേതികവിദ്യകൾ നിമിഷംപ്രതി മെച്ചപ്പെടുകയാണ്. ‌ആധുനിക സാങ്കേതിക വിദ്യ ഉപയോഗിച്ചുകൊണ്ട് നട്ടെല്ലുള്ള ഉദ്യോഗസ്ഥർ കള്ളവോട്ട് തടയുന്ന കാലം വരും. മഹാകവി കുമാരനാശാൻറെ ആഹ്വാനം ചട്ടങ്ങൾക്കു മാത്രമല്ല പാർട്ടികളും ബാധകമാണ്.’

https://www.facebook.com/permalink.php?story_fbid=3546524705464346&id=100003205535218