റിയാദ്: സൗദി അറേബ്യയിൽ കൊറോണ വൈറസ് രോഗം ബാധിച്ച 207 പേർ കൂടി രോഗമുക്തരായി. ഒമ്പത് പേർ രാജ്യത്തെ വിവിധ ഭാഗങ്ങളിലായി മരിക്കുകയുണ്ടായി. 178 പേർക്ക് പുതുതായി വൈറസ് ബാധ റിപ്പോർട്ട് ചെയ്തിരിക്കുന്നു. ഇതോടെ രാജ്യത്ത് റിപ്പോർട്ട് ചെയ്ത കോവിഡ് കേസുകളുടെ ആകെ എണ്ണം 361903 ഉം രോഗമുക്തരുടെ എണ്ണം 352815 ഉം ആയി ഉയർന്നു. മരണസംഖ്യ 6168 ആയി ഉയർന്നു.
രോഗ ബാധിതരായി രാജ്യത്ത് ബാക്കിയുള്ളത് 2920 പേരാണ്. ഇതിൽ 376 പേർ മാത്രമാണ് ഗുരുതരാവസ്ഥയിൽ കഴിയുന്നത്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ് ഉള്ളത്. ബാക്കിയുള്ളവരുടെ ആരോഗ്യ സ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുന്നു.
24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 44, മക്ക 31, മദീന 31, കിഴക്കൻ പ്രവിശ്യ 29, അസീർ 9, തബൂക്ക് 9, വടക്കൻ മേഖല 7, ഖസീം 6, അൽബാഹ 4, അൽജൗഫ് 3, ഹാഇൽ 3, നജ്റാൻ 1, ജീസാൻ 1.
Post Your Comments