മുംബൈ: അന്തരിച്ച ബോളിവുഡ് നടന്‍ സുശാന്ത് സിങ്ങിന് പ്രതിഫലമായി കിട്ടിയ 17 കോടി രൂപ കാണാതായതുമായി ബന്ധപ്പെട്ട് നിര്‍മാതാവിന്റെ വീട്ടില്‍ റെയ്ഡ് നടന്നു. നിര്‍മാതാവ് ദിനേശ് വിജയന്റെ വീട്ടില്‍ എന്‍ഫോഴ്‌സ്‌മെന്റ് ഡയറക്ടറേറ്റാണ് റെയ്ഡ് നടന്നിരിക്കുന്നത്.
സുശാന്തിന്റെ കാമുകി റിയ ചക്രബര്‍ത്തിയാണ് പണം എടുത്തതെന്ന് അദ്ദേഹത്തിന്റെ പിതാവ് ആരോപിക്കുകയുണ്ടായി. സുശാന്തിന്റെ അക്കൗണ്ടില്‍നിന്ന് 15 കോടി കാണാനില്ലെന്ന് പിതാവ് പരാതി നൽകിയിരുന്നു.
നിര്‍മാതാവിനെ കഴിഞ്ഞ മാസം ഇ.ഡി ചോദ്യം ചെയ്യുകയും സിനിമയുടെ ബജറ്റ്, സുശാന്തിന് നല്‍കിയ പ്രതിഫലം എന്നിവ സംബന്ധിച്ച രേഖകള്‍ ഹാജരാക്കാന്‍ ആവശ്യപ്പെടുകയും ചെയ്യുകയുണ്ടായി. എന്നാല്‍ അതേസമയം, നിര്‍മാതാവ് രേഖകള്‍ ഹാജരാക്കിയില്ലെന്നും തുടര്‍ന്ന് ഇദ്ദേഹത്തിന്റെ വീട്ടില്‍ ഇ.ഡി പരിശോധന നടത്തിയെന്നുമാണ് റിപ്പോര്‍ട്ട് ഉള്ളത്. ഇവിടെ നിന്ന് ഇതുസംബന്ധിച്ച രേഖകള്‍ കണ്ടെടുത്തതായാണ് വിവരം ലഭിച്ചിരിക്കുന്നത്.
രാബ്ത എന്ന ചിത്രത്തിന്റെ പ്രതിഫലമായാണ് 17 കോടി സുശാന്തിന് നല്‍കിയതെന്ന് ‘ഇന്ത്യ ടുഡേ’ റിപ്പോര്‍ട്ട് ചെയ്യുന്നു.
Post Your Comments