മുംബൈ: പ്രശസ്ത ഗായകൻ കുമാര്‍ സാനുവിന് കോവിഡ് സ്ഥിരീകരിച്ചു. കുമാര്‍ സാനുവിന്‍റെ സോഷ്യൽ മീഡിയ ടീമാണ് രോഗം സ്ഥിരീകരിച്ച വിവരം പുറത്തുവിട്ടത്. 62 കാരനായ സാനുവിന് രോഗം സ്ഥിരീകരിച്ചുവെന്ന വിവരം പുറത്തുവിട്ടെങ്കിലും അദ്ദേഹം ആശുപത്രിയിലാണോ അതോ വീട്ടിൽ തന്നെ ഐസലേഷനിൽ തുടരുകയാണോയെന്ന കാര്യത്തിൽ വ്യക്തതയില്ല.
Read also: വൈസ് ചാന്‍സലര്‍ നിയമനം: ക്രമക്കേട് ചോദ്യം ചെയ്തുള്ള ഹർജി ഹൈക്കോടതി ഇന്ന് പരിഗണിക്കും
കുമാർ സാനുവിന്‍റെ ജന്മദിനം ഒക്ടോബർ 20നാണ്. ജന്മദിനം ആഘോഷിക്കാനായി ഭാര്യക്കും മക്കൾക്കുമൊപ്പം ലോസ് ആഞ്ചല്‍സിലേക്ക് പറക്കാനിരിക്കെയാണ് ഗായകന് കോവിഡ് സ്ഥിരീകരിച്ചിരിക്കുന്നത്.
തങ്ങളുടെ പ്രിയപ്പെട്ട ‘സോനുദാ’ രോഗബാധിതനായെന്ന വിവരം അറിഞ്ഞതോടെ ആരാധകർ സുഖാശംസ നേർന്നെത്തിയിട്ടുണ്ട്. അദ്ദേഹം എത്രയും വേഗം സുഖം പ്രാപിക്കട്ടെയെന്ന് പ്രാർഥിക്കുന്നു എന്നറിയിച്ച് കൊണ്ട് നിരവധി ആരാധകരാണ് ഫേസ്ബുക്കിൽ പ്രതികരിച്ചത്. ആരോഗ്യ ശ്രദ്ധിക്കണമെന്ന് പ്രതികരിച്ച ചിലർ ചില രോഗശമന ടിപ്സുകളും തങ്ങളുടെ പ്രിയ ഗായകനായി പങ്കുവച്ചിട്ടുണ്ട്.
Post Your Comments