കൊച്ചി: ‘അവള്‍ മരിച്ചിട്ടില്ല, അവള്‍ തല ഉയര്‍ത്തി തന്നെ ഇവിടെ ജീവിച്ചിരിക്കുന്നു…. ഇടവേള ബാബുവിന് ശക്തമായ മറുപടിയുമായി ഡബ്ല്യുസിസി. താരസംഘടനയായ അമ്മയില്‍ നിന്നും രാജി വെച്ച നടി ഭാവനയെ കുറിച്ച് അമ്മ ജനറല്‍ സെക്രട്ടറി ഇടവേള ബാബു നടത്തിയ പരാമര്‍ശങ്ങള്‍ക്കെതിരേ വിമര്‍ശനവുമായി വനിതാ ചലച്ചിത്ര കൂട്ടായ്മ (ഡബ്ല്യുസിസി) രംഗത്ത്. ഇടവേള ബാബുവിന്റെ പരാമര്‍ശത്തില്‍ ശക്തമായി അപലപിക്കുന്നുവെന്ന് ഡബ്ല്യുസിസി ഫേസ്ബുക്ക് പോസ്റ്റില്‍ കുറിച്ചു.
‘അവള്‍ മരിച്ചിട്ടില്ല, അവള്‍ തല ഉയര്‍ത്തി തന്നെ ഇവിടെ ജീവിച്ചിരിക്കുന്നു.! മരിച്ചു പോയവരെ തിരിച്ചു കൊണ്ടുവരാന്‍ പറ്റുമോയെന്ന എഎംഎംഎയുടെ ജനറല്‍ സെക്രട്ടറിയുടെ ചാനല്‍ ചര്‍ച്ചയിലെ പരാമര്‍ശത്തെ ഞങ്ങള്‍ ശക്തമായി അപലപിക്കുന്നു’, ഡബ്ല്യുസിസി പറഞ്ഞു. സ്ത്രീവിരുദ്ധവുമായ ഈ മനോഭാവത്തില്‍ പ്രതിഷേധിച്ചു കൊണ്ടാണ് നടി പാര്‍വതി തിരുവോത്ത് അമ്മയില്‍ നിന്ന് രാജിവെച്ചതെന്നും ഡബ്ല്യുസിസി വ്യക്തമാക്കി.
Post Your Comments